হাইলাকান্দি জিলাত বৃহস্পতিবাৰে নিশা আৰক্ষীয়ে জব্দ কৰে বিপুল পৰিমাণৰ ইউৰিয়া সাৰ।
নিৰ্দিষ্ট তথ্যৰ ভিত্তিত স্থানীয় আৰক্ষীয়ে ‘এ এছ ২৫বি ২৬৭১’ নম্বৰৰ এখন ট্ৰাক জব্দ কৰি ঘাঁহৰ মুঠিৰ তলত লুকুৱাই থোৱা ৩৪০ বেগ ইউৰিয়া জব্দ কৰে।
আৰক্ষীয়ে জনোৱা মতে, হাইলাকান্দিৰ ছালছাপোৰাৰ পৰা মিজোৰামলৈ ইউৰিয়াৰ চালান কঢ়িয়াই অনা হৈছিল।
জব্দ কৰা ইউৰিয়াৰ আনুমানিক মূল্য কেইবালক্ষাধিক টকা হ’ব বুলি কোৱা হৈছে।
ইফালে, জব্দ কৰাৰ সন্দৰ্ভত ছামি উদ্দিন লস্কৰ নামৰ ট্ৰাকখনৰ চালকজনক গ্ৰেপ্তাৰ কৰা হৈছে।
অধিক সংযোগ উন্মোচনৰ বাবে তদন্ত চলি আছে।
