৫ আগষ্ট শনিবাৰে তিনিজন ড্ৰাগছ বেপাৰীক গ্ৰেপ্তাৰ কৰাৰ লগতে গুৱাহাটীত ৩০ কেজি নিষিদ্ধ সামগ্ৰী জব্দ কৰা হৈছে।
বিশেষ টাস্ক ফ’ৰ্চ (এছটিএফ) আৰু আৰক্ষীৰ এটা দলে খানাপাৰা অঞ্চলত এক যৌথ অভিযান চলাইছিল।
আৰক্ষীৰ এক বিবৃতিত কোৱা হৈছে যে, ‘অপাৰেচনৰ সময়ত ৩০ কেজি ভাংসহ তিনিজন ড্ৰাগছ বেপাৰীক গ্ৰেপ্তাৰ কৰা হয়।
আন্তঃৰাষ্ট্ৰীয় বজাৰত এই ভাং খিনিৰ মূল্য প্ৰায় ১৫ লাখ টকা হ’ব বুলি অনুমান কৰা হৈছে। কৰিমগঞ্জৰ পৰা কামৰূপ জিলাৰ বাইহাটা চাৰিআলিলৈ নিষিদ্ধ সামগ্ৰী অনা হৈছিল বুলি জানিবলৈ দিয়ে।
বিবৃতিটোত আৰু কোৱা হৈছে যে, “আইনৰ উপযুক্ত ধাৰাত গোচৰ পঞ্জীয়ন কৰি তদন্ত চলোৱাৰ বাবে আটকাধীন ব্যক্তি আৰু জব্দ কৰা ভাংখিনি গুৱাহাটী আৰক্ষীক গতাই দিয়া হৈছে।”
