কোৰোনাত আক্ৰান্ত হৈ পুনৰ বিদায় মাগিলে আন এগৰাকী জনপ্ৰিয় গায়িকাই। কণ্ঠশিল্পী ভিতালী দাসৰ পিছত এইবাৰ শনিবাৰে পুৱা শেষ নিশ্বাস ত্যাগ কৰে জনপ্ৰিয় গায়িকা পাৰবীন পৰীয়ে। উল্লেখ্য যে, কোৰোনাত আক্ৰান্ত হোৱাৰ পিছতে গুৱাহাটী চিকিৎসা মহাবিদ্যালয়ত চিকিৎসাধীন হৈ আছিল পাৰবীন পৰী।
দুদিন পূৰ্বে পাৰবীন পৰীৰ পিতৃৰো কোৰোনাত আক্ৰান্ত হৈ মৃত্যু ঘটিছিল। তাৰ পিছতে জনপ্ৰিয় গায়িকা গৰাকীৰ মৃত্যুৰ খবৰে এতিয়া তেওঁৰ অনুৰাগী আৰু সংগীতপ্ৰেমী সকলৰ মাজত শোকাময় পৰিৱেশৰ সৃষ্টি কৰিছে।
