এগৰাকী কিশোৰীৰ ধৰ্ষণৰ গোচৰত দোষী সাব্যস্ত শাসকীয় বিজেপিৰ এজন সাংসদক ২৫ বছৰৰ কাৰাদণ্ডৰ শাস্তি বিহে আদালতে। উত্তৰ প্ৰদেশৰ সোণভদ্ৰ আদালতে শুকুৰবাৰে দুধী সমষ্টিৰ সাংসদ ৰামদুলাৰ গণ্ডক এই কাৰাদণ্ডৰ শাস্তিৰ নিৰ্দেশ দিয়ে। এই শাস্তিৰ বাবে ৰামদুলাৰে এতিয়া সাংসদ পদো হেৰুৱাব পাৰে।
ৰামদুলাৰৰ বিৰুদ্ধে ২০১৪ চনত নাবালিকাক ধৰ্ষণ কৰাৰ অভিযোগ উত্থাপন হৈছিল। মেয়ৰপুৰ গাঁৱৰ কিশোৰীগৰাকীয়ে পথাৰলৈ যোৱাৰ সময়তে ৰামদুলাৰে নিৰ্যাতন চলাইছিল কিশোৰীগৰাকীক। সেই সময়ত ৰামদুলাৰ গণ্ড সাংসদ হোৱা নাছিল। কিন্তু তেওঁৰ পত্নী সেই সময়ত গাঁৱৰ মুখীয়াল আছিল। প্ৰথমে POCSO আদালতত গোচৰটো আহিল। কিন্তু ৰামদুলাৰ বিজেপিৰ সাংসদ হোৱাৰ পিছত গোচৰটো সাংসদ-বিধায়ক আদালতলৈ হস্তান্তৰ কৰা হয়।
সেই ঘটনাত দোষী সাব্যস্ত হোৱা ৰামদুলাৰক শাস্তি দিয়াৰ নিৰ্দেশ দিয়ে সোণভদ্ৰ আদালতে। যদিও ৰায়দানৰ পূৰ্বে তেওঁৰ অধিবক্তাই গেৰুৱা শিবিৰৰ সাংসদসকলৰ হৈ জেৰা কৰিছে। তেওঁ সাংসদগৰাকীক নূন্যতম শাস্তি বিচাৰিছিল। লগতে ভুক্তভোগী পৰিয়ালৰ সকলো দায়িত্ব ল’ব বুলিও কয়। কিন্তু আদালতে নাবালিকা ধৰ্ষণৰ দৰে ঘটনাৰ বিৰুদ্ধে কঠোৰ ব্যৱস্থা গ্ৰহণ কৰে।
অৱশ্যে এই শাস্তিৰ বাবে তেওঁ সাংসদ পদৰ পদ হেৰুৱাব পাৰে। কাৰণ জনপ্ৰতিনিধিত্ব আইনৰ অধীনত এজন বহি থকা নেতা যদি দুবছৰ বা তাতোকৈ বেছি কাৰাদণ্ড হৈ আছে তেন্তে দোষী সাব্যস্ত হোৱাৰ তাৰিখৰ পৰা অযোগ্য ঘোষণা কৰা হয়। আৰু ছবছৰলৈকে পদলৈ ঘূৰি আহিব নোৱাৰে। এনে ক্ষেত্ৰত ৰামদুলাৰেও একে শাস্তি লাভ কৰিব পাৰে।
