অসম আৰক্ষীয়ে কাৰ্বি আংলঙত ৭ কোটি টকাৰ বৃহৎ নিষিদ্ধ সামগ্ৰী জব্দ কৰাৰ লগতে ইয়াৰ সৈতে জড়িত তিনিজন বেপাৰীক গ্ৰেপ্তাৰ কৰে।
আটকাধীন লোককেইজন ইছলাম উদ্দিন (২৯), মোঃ সমীৰ (৩৩), আৰু মোহম্মদ মানাওবি (৩৫) বুলি চিনাক্ত কৰা হৈছে, আটাইকেইজন মণিপুৰৰ।
এক গোপন সূত্ৰৰ ভিত্তিত অভিযান চলাই কাৰ্বি আংলং জিলাৰ আৰক্ষী অধীক্ষক আৰু বোকাজানৰ এছডিপিঅ’ জন দাসৰ নেতৃত্বত কাৰ্বি আংলং আৰক্ষীৰ এটা দলে বৃহস্পতিবাৰে নিশা এনএল-০২এন-৩৭৫৮ আৰু এমএন-৩৭৫৮ নম্বৰৰ দুখন ট্ৰাক আটক কৰে।
তালাচী চলোৱাৰ সময়ত বাহন দুখনৰ পৰা প্ৰায় ৩০ হাজাৰ নিষিদ্ধ য়াবা টেবলেট আৰু ৭৫৭.১৫ গ্ৰাম হেৰ’ইন থকা ৫৫টা চাবোনৰ কেচ উদ্ধাৰ কৰা হয়।
বোকাজানৰ এছডিপিঅ’ জন দাসে কয় যে আমি নিষিদ্ধ ড্ৰাগছ কঢ়িয়াই নিয়াৰ অপৰাধত তিনিজন লোকক গ্ৰেপ্তাৰ কৰিছো। জব্দ কৰা ড্ৰাগছৰ আনুমানিক মূল্য প্ৰায় ৭ কোটি টকা।
