শনিবাৰে কাজিৰঙা ৰাষ্ট্ৰীয় উদ্যানত গঁড়ৰ আক্ৰমণত দুজন লোক গুৰুতৰভাৱে আহত হয়।
আহত লোকজনৰ ভিতৰত এজন হৈছে বিনোদ সৰু নামৰ বনৰক্ষী।
আনজন হৈছে জিবো সৰু নামৰ যুৱকজন।
ৰাষ্ট্ৰীয় উদ্যানৰ কঁহৰা বনাঞ্চলৰ বৰবীলত সংঘটিত হয় এই ঘটনা।
ৰাষ্ট্ৰীয় উদ্যানখনৰ এটা ক্ষতিগ্ৰস্ত পথ মেৰামতিৰ কামত লিপ্ত হৈ থকাৰ সময়তে গঁড়টোৱে দুয়োকে আক্ৰমণ কৰে।
ইফালে, গঁড়ৰ আক্ৰমণত আহত দুয়োজনক পৰৱৰ্তী সময়ত উন্নত চিকিৎসাৰ বাবে কঁহৰা অসামৰিক চিকিৎসালয়ত ভৰ্তি কৰোৱা হৈছে।
