গুৱাহাটীঃ ওদালগুৰি জিলাত এজন অপৰাধীৰ মৃত্যুৰ ঘটনাৰ পৰিপ্ৰেক্ষিতত মুখ্যমন্ত্ৰী হিমন্ত বিশ্ব শৰ্মাই সোমবাৰে চি আই ডি তদন্তৰ নিৰ্দেশ দিয়ে।
মৃতকৰ আত্মীয়ই আন এজন ব্যক্তিৰ পৰিয়ালৰ সৈতে ভুল পৰিচয় দিয়াৰ দাবী কৰে।
মুখ্যমন্ত্ৰী শৰ্মাই এনকাউণ্টাৰত ডকাইতৰ মৃত্যু, দুজন আৰক্ষী জোৱান আহত, অস্ত্ৰ উদ্ধাৰ আদি ঘটনাৰ বাস্তৱিক সবিশেষ জানিবলৈ চিআইডি তদন্ত আৰম্ভ কৰিবলৈ কয় বুলি বিষয়াগৰাকীয়ে জনায়।
দুসপ্তাহৰ ভিতৰত তদন্ত সম্পূৰ্ণ হোৱাটো নিশ্চিত কৰিবলৈও শৰ্মাই ডিজিপিক কয়।
ইফালে ইতিমধ্যে ঘটনা সন্দৰ্ভত দণ্ডাধীশৰ তদন্ত আৰম্ভ কৰি ঘটনা সন্দৰ্ভত চি আই ডিৰ তদন্তৰ নিৰ্দেশ দিয়া হৈছে।
২৪ ফেব্ৰুৱাৰীৰ পুৱা প্ৰায় ১০.৩০ বজাত নম্বৰ প্লেট নথকা এখন মটৰবাইকত উপস্থিত হয় দুজন ব্যক্তি। দেওবাৰে আৰক্ষীয়ে বিবৃতিটোত জনোৱা মতে, ডকাইতি কৰাৰ পিছত এজন ব্যক্তিয়ে ৭.৬৫ মিমি পিষ্টল লৈ আৰক্ষী দলটোৰ সৈতে মুখামুখি হয় আৰু আৰক্ষী দলটোৰ ওপৰত গুলীচালনা কৰি এজন আৰক্ষী উপ-পৰিদৰ্শক আৰু এজন কনিষ্টবল গুৰুতৰভাৱে আঘাত কৰে।
মৃত লোকজনক ওদালগুৰিৰ নতুন পানবাৰী গাঁৱৰ কেনাৰাম বসুমতাৰী বুলি মাতৃয়ে জানিবলৈ দিয়ে। অৱশ্যে শুকুৰবাৰে সন্ধিয়া মৃতদেহটো সমাধিস্থ কৰা পৰিয়ালটোক গতাই দিয়া বুলি আৰক্ষীয়ে জানিবলৈ দিয়ে।
বসুমতাৰী এন ডি এফ বিৰ এজন প্ৰাক্তন উগ্ৰপন্থী আছিল, যিজনক অসমৰ লগতে চুবুৰীয়া মেঘালয়তো অস্ত্ৰধাৰী ডকাইতিৰ কেইবাটাও গোচৰত বিচাৰি থকা আৰু পূৰ্বেও অস্ত্ৰসহ গ্ৰেপ্তাৰ কৰা হৈছিল বুলি আৰক্ষীয়ে দাবী কৰে।
ইয়াৰ পিছতে চুবুৰীয়া বাকছা জিলাৰ জেংৰেনপাৰা গাঁৱৰ পৰা ডিম্বেশ্বৰ মুচাহাৰী নামৰ আন এজন ব্যক্তিৰ পৰিয়ালে শনিবাৰে সন্ধিয়া ওদালগুৰি আৰক্ষী অধীক্ষকৰ কাৰ্যালয়লৈ আহি মৃতদেহটো দাবী কৰে।
এই গুলীচালনাত উপ-পৰিদৰ্শক হীৰা জ্যোতি পেগু আৰু কনিষ্টবল সুকুমাৰ বৰ্মন আহত হোৱা বুলি আৰক্ষীয়ে জানিবলৈ দিয়ে।
About the Author
