ধাৰাসাৰ বৰষুণৰ মাজতে সোমবাৰে নিশা ওদালগুৰি জিলাত বজ্ৰপাতৰ ফলত দুগৰাকী নাবালিকা আৰু এগৰাকী গৰ্ভৱতী মহিলাৰ মৃত্যু হয়।
মাজবাট নগৰৰ সমীপৱৰ্তী আলাইছৰি গাঁৱত এই ঘটনা সংঘটিত হৈছে।
প্ৰাপ্ত তথ্য অনুসৰি, মনোমতী বসুমতাৰী নামৰ মৃত মহিলাগৰাকী সাত মাহৰ গৰ্ভৱতী আছিল।
জানিব পৰা মতে নাবালিকা দুগৰাকীৰ পৰিচয় দুলাল বসুমতাৰী আৰু ৰেখা বসুমতাৰী।
সূত্ৰই জনোৱা মতে, তিনিওগৰাকীয়ে এটা ঘৰত ৰাতিৰ আহাৰ গ্ৰহণ কৰি থকাৰ সময়তে বিজুলীৰ আঘাতত তেওঁলোকৰ থিতাতে মৃত্যু হয়। এই ঘটনাত ওচৰ-চুবুৰীয়া দুটা ছাগলীও নিহত হয়।
জানিব পৰা মতে, তিনিওজনেই ওচৰ-চুবুৰীয়া আছিল আৰু দুৰ্ভাগ্যজনক নিশাটোত ৰাতিৰ আহাৰ গ্ৰহণৰ পৰিকল্পনা কৰিছিল।
ইফালে মাজবাট আৰক্ষীয়ে ঘটনাস্থলীত উপস্থিত হৈ মৃতদেহকেইটা মৰণোত্তৰ পৰীক্ষাৰ বাবে প্ৰেৰণ কৰে।
About the Author
