উত্তৰ প্ৰদেশ বিধানসভা নিৰ্বাচনত অকলেই প্ৰতিদ্বন্দ্বিতা আগবঢ়াব লোক জনশক্তি পাৰ্টি (আৰ)য়ে। এই ঘোষণা কৰিছে দলটোৰ অধ্যক্ষ চিৰাগ পাছৱানে। নিৰ্বাচনত আটাইকেইখন আসনতে প্ৰাৰ্থীত্ব আগবঢ়াব বুলিও জানিবলৈ দিয়ে পাছৱানে।
লোক জনশক্তি পাৰ্টিৰ এক টুইটযোগে কয় যে বুধবাৰে অনুষ্ঠিত উত্তৰ প্ৰদেশ নিৰ্বাচন সন্দৰ্ভত এখন বৈঠকত এলজেপি (আৰ)ৰ উত্তৰ প্ৰদেশৰ ৰাজ্যিক সভাপতি, কাৰ্যবাহী সদস্য, জিলা সভাপতি আৰু কৰ্মী-সহকৰ্মীসকলে তেওঁলোকৰ পৰামৰ্শ প্ৰদান কৰে। এই পৰামৰ্শসমূহৰ প্ৰতি লক্ষ্য ৰাখি, এলজেপি (আৰ)য়ে কেন্দ্ৰীয় নেতৃত্বত আগন্তুক উত্তৰ প্ৰদেশ নিৰ্বাচনত অকলে প্ৰতিদ্বন্দিতা কৰাৰ সিদ্ধান্ত লৈছে।
উল্লেখযোগ্য যে, উত্তৰ প্ৰদেশ বিধানসভা নিৰ্বাচন অহা বছৰ অনুষ্ঠিত হব। ইতিমধ্যে সকলো দলে উত্তৰপ্ৰদেশত নিজক শক্তিশালী কৰাৰ যুঁজত নামি পৰিছে। ইফালে, এলজেপিৰ সভাপতি চিৰাগ পাছৱানেও ঘোষণা কৰিছে যে তেওঁ নিৰ্বাচনত প্ৰতিদ্বন্দিতা কৰিব।
