লোকসভা নিৰ্বাচন ২০২৪ ৰ ফলাফল ঘোষণা কৰা হৈছে। মঙলবাৰে আৰম্ভ হোৱা গণনা প্ৰক্ৰিয়া বুধবাৰে পুৱতি নিশা সম্পূৰ্ণ কৰা হয়। সকলো ৫৪৩ খন আসনৰে ফলাফল ঘোষণা কৰা হৈছে। ভাৰতীয় জনতা পাৰ্টীয়ে সৰ্বাধিক ২৪০ খন আসন লাভ কৰিছে। আনহাতে কংগ্ৰেছ ৯৯ খন আসনৰ সৈতে দ্বিতীয় স্থানত আছে। আন ডাঙৰ দলসমূহৰ বিষয়ে ক’বলৈ গ’লে, সমাজবাদী পাৰ্টি (এছপি), যি ‘ইণ্ডিয়া’ মিত্ৰজোঁটৰ অংশ আৰু উত্তৰ প্ৰদেশত বিজেপিৰ আটাইতকৈ বেছি ক্ষতি সাধন কৰিছে, এইবাৰ তেওঁলোকে ৩৭ খন আসনৰ সৈতে তৃতীয় স্থানত আছে। সমাজবাদী পাৰ্টিৰ পিছত, মমতা বেনাৰ্জীৰ তৃণমূল কংগ্ৰেছে (টিএমচি) ২৯ খন আসন লাভ কৰি যথেষ্ট সফলতা অৰ্জন কৰিছে। টিএমচিয়ে পশ্চিম বংগত বিজেপিৰ যথেষ্ট ক্ষতি কৰিছে। দ্ৰাবিড় মুন্নেত্ৰা কাঝাগমে (ডিএমকে) এই লোকসভা নিৰ্বাচনত ২২ খন আসন লাভ কৰিছে। তেলেগু দেশম পাৰ্টিয়ে (টিডিপি) ১৬ খন আসন দখল কৰি যথেষ্ট সফলতা অৰ্জন কৰিছে। ইয়াৰ পিছত, সংখ্যাটো বিহাৰৰ মুখ্যমন্ত্ৰী নীতিশ কুমাৰৰ দল জনতা দল ইউনাইটেডৰ (জেডিইউ)আছে। জেডিইউয়ে এই নিৰ্বাচনত ১২ খন আসন লাভ কৰিছে। উদ্ধৱ ঠাকৰেয়েও মহাৰাষ্ট্ৰত যথেষ্ট সফলতা লাভ কৰিছে। তেওঁৰ দল শিৱসেনাই (উদ্ধৱ গোট) এই নিৰ্বাচনত ৯ খন আসন লাভ কৰিছে। তেওঁৰ মিত্ৰজোঁটৰ অংশীদাৰ এনচিপিয়ে (শৰদ পাৱাৰ গোট) ৭খন আসনত বিৰোধীসকলক পৰাস্ত কৰিছে, শিৱসেনা (শিন্দে গোট) ৭ খন আৰু বিহাৰৰ লোক জনশক্তি পাৰ্টীয়ে (ৰাম বিলাস) বিৰোধীক ৫ খন আসনত পৰাজিত কৰিছে।অন্ধ্ৰ প্ৰদেশত শাসনত থকা ৱাইএছআৰচিপিয়ে এইবাৰ যথেষ্ট ক্ষতিগ্ৰস্ত হৈছে। এফালে, য’ত তেওঁলোকে ৰাজ্যখনৰ ক্ষমতা হেৰুৱাইছিল, আনহাতে, ৱাইএছআৰচিপিয়ে লোকসভাত মাত্ৰ ৪ খন আসন লাভ কৰিছে। বিহাৰত, ৰাষ্ট্ৰীয় জনতা দলে (আৰজেডি) ৪ খন আসন লাভ কৰিছে। চিপিআই(এমএল)য়েও ৪ খন আসন লাভ কৰিছে। আন দলসমূহৰ বিষয়ে ক’বলৈ গ’লে ইণ্ডিয়ান ইউনিয়ন মুছলিম লীগৰ ৩খন আসন, আম আদমী পাৰ্টি (আপ)ৰ ৩খন আসন, ঝাৰখণ্ড মুক্তি মৰ্চা ৩খন আসন, অন্ধ্ৰ প্ৰদেশৰ জনসেনা পাৰ্টিৰ ২খন আসন, ভাৰতীয় কমিউনিষ্ট পাৰ্টি (মাৰ্ক্সবাদী-লেনিনবাদী মুক্তি) ২খন আসন, জনতা দল (চেকুলাৰ)ৰ ২খন আসন, বিদুথালাই চিৰুথাইগাল কাচ্চি ২খন আসন, কমিউনিষ্ট পাৰ্টি অফ ইণ্ডিয়াই ২ খন আসন লাভ কৰিছে। ৰাষ্ট্ৰীয় লোক দলে (আৰএলডি) ২খন আসন আৰু জম্মু-কাশ্মীৰ ৰাষ্ট্ৰীয় সন্মিলনে ২খন আসন লাভ কৰিছে। আচাদুদ্দিন ওৱাইচিৰ দল এআইএমআইএমে ১ খন আসন জিকিছে। তেওঁ নিজৰ হায়দৰাবাদৰ আসনখন ধৰি ৰাখিবলৈ সক্ষম হয়। ইউনাইটেড পিপলছ পাৰ্টি লিবাৰেল (১ আসন), অসম গণ পৰিষদ (১ আসন), হিন্দুস্তানী আৱাম মৰ্চা (চেকুলাৰ) ১খন আসন, কেৰালা কংগ্ৰেছ ১ আসন, বিপ্লৱী সমাজবাদী পাৰ্টি ১ আসন, নেচনেলিষ্ট কংগ্ৰেছ পাৰ্টি ১ আসন, ভইচ অফ দ্য পিপল পাৰ্টি ১ আসন, জোৰাম পিপলছ মুভমেণ্ট ১ আসন, শিৰোমণি অকালি দল ১ আসন লাভ কৰে। আনহাতে, ৰাষ্ট্ৰিয়া লোকতান্ত্ৰিক পাৰ্টি (আৰএলপি) য়ে ১ খন আসন, ভাৰত আদিবাসী পাৰ্টি (বিজেপি) ১ খন আসন, ছিকিম ক্ৰান্তিকাৰী মৰ্চা (১ আসন), মৰুমলাৰ্চি দ্ৰাবিড় মুন্নেত্ৰা কাঝাগম (১ আসন), আজাদ সমাজ পাৰ্টি (কাঞ্চী ৰাম) ১ খন আসন, আপনা দল (সোনেলাল) ১ খন আসন আৰু এজেএছইউ পাৰ্টি ১ আসন লাভ কৰে। ইয়াৰ উপৰিও, ৭ জন নিৰ্দলীয় প্ৰাৰ্থীয়েও এইবাৰ বিজয়ী ৰথত উঠিছে।
