ডিজিটেল ডেস্কঃ ঘৃণামূলক ভাষণ সন্দৰ্ভত উচ্চতম ন্যায়ালয়ে দিলে এক গুৰুত্বপূৰ্ণ নিৰ্দেশ। ২০২২ চনত উচ্চতম ন্যায়ালয়ে দিল্লী, উত্তৰ প্ৰদেশ আৰু উত্তৰাখণ্ডক নিজাববীয়াকৈ গোচৰ ৰুজু কৰিবলৈ নিৰ্দেশ দিছিল। শুকুৰবাৰে উচ্চতম ন্যায়ালয়ে একে ৰায়দান সকলো ৰাজ্য আৰু কেন্দ্ৰীয় শাসিত অঞ্চললৈ সম্প্ৰসাৰণ কৰে। আৰু এই ক্ষেত্ৰত গোচৰ দাখিল কৰাত পলম হোৱাটো আদালতৰ অৱমাননা হিচাপে গণ্য কৰা হ’ব বুলি উচ্চতম ন্যায়ালয়ে প্ৰকাশ কৰিছে।
ঘৃণামূলক ভাষণৰ সৈতে জড়িত কেইবাটাও গোচৰ উচ্চতম ন্যায়ালয়ত দাখিল কৰা হয়। সেই গোচৰসমূহৰ শুনানি আজি অনুষ্ঠিত হয়। আৰু তেতিয়াই উচ্চতম ন্যায়ালয়ে কয় যে ঘৃণামূলক ভাষণে দেশৰ ধৰ্মনিৰপেক্ষ ভাবমূৰ্তি ধ্বংস কৰাৰ ক্ষমতা আছে। গতিকে এই ক্ষেত্ৰত ব্যৱস্থা গ্ৰহণ কৰিব লাগিব।
ন্যায়াধীশ কে এম জোচেফ আৰু বি ভি নাগাৰতনোৱাৰৰ বিচাৰপীঠে তেওঁলোকৰ ৰায়দানত কয় যে, “আমি স্পষ্টকৈ ক’ব বিচাৰো যে এনে কাৰ্য্যৰ সময়ত কোনো ধৰ্মৰ কোনো ব্যক্তিয়ে ভাষণ দিয়া দেখা নাপাব।” বিচাৰপীঠে লগতে কয় যে বিচাৰকসকল অৰাজনৈতিক। আৰু তেওঁলোক ক দল বা দল খক লৈ চিন্তিত নহয়। কেৱল ভাৰতীয় সংবিধানৰ কথা মনত ৰখা হৈছে।”
ইয়াৰ পূৰ্বে উচ্চতম ন্যায়ালয়ে ঘৃণামূলক ভাষণৰ ক্ষেত্ৰত কঠোৰ পৰ্যবেক্ষণ দিছিল। যোৱা মাৰ্চ মাহত বিচাৰপীঠে কৈছিল, “ঘৃণামূলক ভাষণ এক সংক্ৰামক ৰোগৰ দৰে। যি মুহূৰ্তত ৰাজনীতি আৰু ধৰ্ম ইটোৱে সিটোৰ পৰা পৃথক হ’ব, সেই মুহূৰ্ততে ঘৃণামূলক ভাষণৰ ধাৰাও শেষ হ’ব। ৰাজনীতিবিদসকলে যি মুহূৰ্তত শব্দৰে ধৰ্মক ৰাজনীতিত টানি নিয়া বন্ধ কৰিব, সেই মুহূৰ্ততে ঘৃণামূলক ভাষণ বন্ধ হ’ব।”
About the Author
