হাইস্কুল শিক্ষান্ত বা হাইমাদ্ৰাছা পৰীক্ষাত সফলতা অৰ্জন কৰিও এনে বহু ছাত্ৰ-ছাত্ৰী আছে, যিয়ে আৰ্থিক অভাৱৰ বাবে উচ্চ শিক্ষা গ্ৰহণৰ পৰা বঞ্চিত হ’বলগীয়া হয়।
বিশেষকৈ বৰ্তমান সময়ত ‘শিক্ষাৰ বাণিজ্যিকীকৰণৰ পৰিপ্ৰেক্ষিতত বহু মেধাৱী ছাত্ৰ-ছাত্ৰীয়ে এটা সোণালী ভৱিষ্যত গঢ়াৰ পৰা বঞ্চিত হ’বলগীয়া হয়।
এনে পৰিস্থিতিত হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ হোৱা ছাত্ৰ-ছাত্ৰীৰ সহায়ৰ বাবে আগবাঢ়ি আহিছে সাংসদ তথা এআইইউডিএফৰ মুৰব্বী বদৰুদ্দিন আজমল।
Moreover٫ if anyone of these successful students who got good marks but facing financial problem in continuing the education٫ the same person should contact on this number +916900010052 All possible help would be extended۔
— Maulana Badruddin Ajmal (@BadruddinAjmal) June 7, 2022
টুইটযোগে এটা ফোন নম্বৰ শ্বেয়াৰ কৰি আজমলে ভাল নম্বৰ লৈ উত্তীৰ্ণ হোৱা অথচ আৰ্থিক সমস্যাৰ সন্মুখীন হোৱা ছাত্ৰী-ছাত্ৰীক সকলো ধৰণৰ সহায়ৰ প্ৰতিশ্ৰুতি প্ৰদান কৰে।
টুইটটোত আজমলে লিখিছে, ‘যদি সফল ছাত্ৰ-ছাত্ৰীসকলৰ কোনোবাই ভাল নম্বৰ পাইছে কিন্তু শিক্ষা অব্যাহত ৰখাত আৰ্থিক সমস্যাৰ সন্মুখীন হৈছে, তেন্তে +916900010052 নম্বৰত যোগাযোগ কৰিব পাৰে। সকলো সাম্ভাৱ্য সহায় কৰা হ’ব।’
উল্লেখ্য যে, বদৰুদ্দিন আজমলে তেওঁৰ আজমল ফাউণ্ডেশ্যনৰ জৰিয়তে সময়ে সময়ে দুখীয়া মেধাৱী শিক্ষাৰ্থীক সহায় কৰি আহিছে।
