ষ্টাফ ৰিপোৰ্টাৰ, ১২ মে’: আজি আন্তৰ্জতিক ধাত্ৰী দিৱস। কৰ’না মহামাৰীৰ আতংকৰ মাজতে মঙ্গলবাৰে অনুষ্ঠিত হ’ল ধাত্ৰী দিৱস। কভিড ১৯ ৰ বিৰুদ্ধে দিনে নিশাই যুঁজ দি থকা এইসকল কৰ’না যুঁজাৰুক সকলোৱে ধন্যবাদ জ্ঞাপন কৰে। ওদালগুৰিতো জিলা অসামৰিক চিকিৎসালয়ত ধাত্ৰী দিৱস উপলক্ষে এক অনুষ্ঠান আয়োজিত কৰি নাৰ্চসকলক সম্বৰ্ধনা জনোৱা হয়। লগতে নিজৰ কৰ্তব্য আৰু দায়িত্ব নিষ্ঠাৰে পালন কৰিবলৈ শপত বাক্য পাঠ কৰে। আনহাতে ওৰাং খণ্ড প্ৰাথমিক স্বাস্থ্য কেন্দ্ৰৰ উদ্যোগতো ধাত্ৰী দিৱস অনুষ্ঠিত কৰি তেওঁলোকৰ কৰ্মনিষ্ঠাৰ বাবে সম্বৰ্ধনা জনোৱা হয়। ওদালগুৰি খণ্ড প্ৰাথমিক স্বাস্থ্য কেন্দ্ৰৰ উদ্যোগতো ধাত্ৰী দিৱস অনুষ্ঠিত কৰি তেওঁলোকৰ দায়িত্ব নিষ্ঠাৰে পালন কৰাৰ বাবে ধন্যবাদ জ্ঞাপন কৰা হয়।
