ৰাজ্যত আজিৰে পৰা বলবৎ হোৱাৰ সম্ভাৱনা আছে নতুন SOP। ৰাজ্যত কোভিড সংক্ৰমণ হ্ৰাস পোৱাৰ পৰিপ্ৰেক্ষিতত বন্ধ হৈ থকা আন্তঃজিলা যাতায়তৰ অনুমতি প্ৰদান কৰাক লৈ চিন্তা চৰ্চা কৰিছে চৰকাৰে। অৱশ্যে যুগ্ম-অযুগ্ম নম্বৰেৰে যাতায়ত খোলা হব বুলি ইংগিত প্ৰদান কৰে মুখ্যমন্ত্ৰী হিমন্ত বিশ্ব শৰ্মাই।
কোভিডৰ নতুন SOPত ৰাজ্যৰ দোকান-পোহাৰ সমূহ পূৰ্বৰ সন্ধিয়া ৫ বজাৰ পৰিবৰ্তে ৬ বজালৈ খোলাৰ অনুমতি প্ৰদান কৰা হব। আনহাতে সন্ধিয়া ৭ বজাৰ পৰা পুৱা ৫ বজালৈ সান্ধ্য আইন জাৰি হৈ থাকিব।
উল্লেখ্য যে, অহা ১ চেপ্টেম্বৰৰ পৰা শিক্ষা প্ৰতিষ্ঠানসমূহো খুলি দিয়াৰ যো-জা চলাইছে চৰকাৰে। নতুন SOPয়ে সাধাৰণ জনতাৰ জীৱন যাত্ৰা সহজ কৰিব বুলি সকলোৱে আশা কৰিছে।