বাংলাদেশৰ ঢাকাত অনু্ষ্ঠিত হ’বলগীয়া আন্তঃৰাষ্ট্ৰীয় ‘বঙ্গবন্ধু শেখ মুজিব ঢাকা মাৰাথন ২০২৪’ প্ৰতিযোগিতা পৰিচালনা কৰাৰ বাবে অসমৰ নিপন দাস নিৰ্বাচিত হৈছে৷ ২৬ জানুৱাৰীত হ’বলগীয়া এই প্ৰতিযোগিতাৰ বাবে ভাৰতীয় এথলেটিকচ্ ফেডাৰেচনে ভাৰতবৰ্ষৰ ৫ গৰাকী টেকনিকেল অফিচিয়েলক মনোনীত কৰিছে৷ এই প্ৰতিযোগিতা পৰিচালনা কৰাৰ বাবে নিপন দাস ইতিমধ্যে ঢাকাত উপস্থিত হৈছে৷ দেশৰ বাহিৰত এনেধৰণৰ এথলেটিকচ্ প্ৰতিযোগিতা পৰিচালনাৰ বাবে যোৱা নিপন দাস হৈছে অসমৰ প্ৰথম ব্যক্তি৷
