নিউজ ডেস্কঃ বিগত অক্টোবৰ মাহৰ পৰা ৫০ হাজাৰৰো অধিক দেশী-বিদেশী পৰ্যটকৰ আগমণ ঘটিছে কাজিৰঙা ৰাষ্ট্ৰীয় উদ্যানলৈ। এই তথ্য সদৰী কৰে উদ্যান কৰ্তৃপক্ষই।
উদ্যানৰ বিষয়াসকলে জনোৱা মতে, ২ অক্টোবৰত উদ্যানখন পুনৰ মুকলি হোৱাৰ পিছত বিদেশী পৰ্যটককে ধৰি ৬৭,৮৬৩গৰাকী পৰ্যটক উপস্থিত হৈছে। উদ্যান কৰ্তৃপক্ষই জনোৱা মতে, অক্টোবৰ মাহত প্ৰায় ২৭,১১৫ জন দেশী পৰ্যটক আৰু ২৭৮জন বিদেশী পৰ্যটক কাজিৰঙালৈ আহিছিল।
একেদৰে যোৱা মাহত অৰ্থাৎ নৱেম্বৰ মাহত দেশী পৰ্যটকৰ সংখ্যা প্ৰায় ৩৯,১৩০ লৈ বৃদ্ধি পাইছে আৰু বিদেশী পৰ্যটকৰ সংখ্যা ১,৩৪০ লৈ বৃদ্ধি পাইছে।
পূৰ্বাঞ্চল অসম বন্যপ্ৰাণী সংমণ্ডলৰ সংমণ্ডল বন বিষয়া ৰমেশ কুমাৰ গগৈৰ উদ্ধৃতি ডি টি অ’ আইৰ উদ্ধৃতি দি কয় যে, ‘এতিয়ালৈকে আগমণৰ হাৰ স্বাভাৱিক যেন লাগে, কিন্তু ডিচেম্বৰ মাহৰ পৰা অহা বছৰ ২০২৩ চনৰ মে’ মাহত উদ্যানখন বন্ধ হোৱালৈকে অধিক পৰ্যটকৰ আগমনৰ আশা আছে। ইতিমধ্যে উদ্যানখনত পৰ্যটকৰ সোঁত বৈছে আৰু এয়া এক ইতিবাচক লক্ষণ।”
ডি এফ অ’ গগৈয়েও দাবী কৰে যে উদ্যানখন উচ্চমানৰ পৰ্যটন স্থলীত পৰিণত হৈছে। “কাজিৰঙা ৰাষ্ট্ৰীয় উদ্যান আটাইতকৈ পছন্দৰ গন্তব্যস্থান হৈ পৰিছে। আজিকালি সকলো ডাঙৰ ডাঙৰ সন্মিলন (চৰকাৰী পৰ্যায়) ইয়াতেই অনুষ্ঠিত হয়, ন্যায়পালিকাৰ ৰাষ্ট্ৰীয় আলোচনা চক্ৰৰ দৰে, প্ৰথমবাৰৰ বাবে এছ পিৰ সন্মিলন। গতিকে এয়া পৰোক্ষভাৱে এক প্ৰকাৰৰ পৰ্যটনৰ প্ৰবাহ। আৰু আটাইতকৈ ডাঙৰ কথাটো হ’ল কাজিৰঙাই কেতিয়াও নিজৰ কোনো পৰ্যটকক নিৰাশ নকৰে।’-ডি এফ অ’ই লগতে কয়।
