🔷কুলংগাৰ পুত্ৰ আৰু পত্নীয়ে মিলি হত্যা কৰিলে দেউতাকক

ৰাজ্যত ইটোৰ পিছত সিটো হত্যাকাণ্ডৰ ঘটনা সংঘটিত হৈছে।এইবাৰ ৰঙিয়াৰ সমীপৱৰ্তী তামুলপুৰ জিলাৰ বৰঘূলীত শনিবাৰে সংঘটিত হয় এক চাঞ্চ্যলকৰ হত্যা কাণ্ড। তামুলপুৰ জিলাৰ কাউৰবাহা উপ আৰক্ষী চকীৰ অন্তৰ্গত বৰঘূলীত পত্নী আৰু পুত্ৰই নিজ পিতৃক হত্যা কৰা অভিযোগত সমগ্ৰ অঞ্চলটোত তীব্ৰ চাঞ্চ্যলৰ সৃষ্টি হয়। এই ঘটনাক কেন্দ্ৰ কৰি সমগ্ৰ অঞ্চলটোত বৰ্তমানেও তীব্ৰ উত্তেজনাই বিৰাজ কৰি আছে। মৃত লোকজনক বৰঘূলীৰ ছৈয়দ আলী বুলি জানিব পৰা গৈছে । পাৰিবাৰিক কণ্ডলৰ বাবে তেওঁৰ পত্নী ৰুনুমা বেগম আৰু কুলংগাৰ পুত্ৰই নিজ ছৈয়দ আলী নামৰ লোক জনক হত্যা কৰা বুলি স্থানীয় ৰাইজে অভিযোগ কৰিছে। ঘটনাটো সংঘটিত হোৱাৰ পিছতে কাউৰবাহা আৰক্ষীৰ লোক ঘটনাস্থলীত উপস্থিত হৈ পত্নী ৰুনুমা বেগম আৰু পুত্ৰক আটক কৰিছে। আৰক্ষীয়ে মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰাৰ লগতে ঘটনাৰ তদন্ত আৰম্ভ কৰিছে। স্থানীয় ৰাইজে দোষীক কঠোৰতকৈ কঠোৰ শাস্তি প্ৰদান কৰিবলৈ আৰক্ষী প্ৰশাসনৰ ওচৰত দাবী জনাইছে।