ৰাজ্যত কোৰোনাৰ ভয়াবহ সংক্ৰমণ অব্যাহত আছে। সোমবাৰৰ দিনটোত অসমত পুনৰ ৫৮০৩ জন লোক এই মহামাৰীত আক্ৰান্ত হোৱাৰ লগতে ৭৭ জন কোভিড ৰোগীৰ মৃত্যু ঘটিছে। স্বাস্থ্য বিভাগে সদৰী কৰা তথ্য অনুসৰি, বিগত ২৪ ঘণ্টাত কেৱল কামৰূপ মহানগৰতে ১৪৮১ জনৰ দেহত কোভিড পৰিটিভ ধৰা পৰিছে। ইয়াৰোপৰি ৪৮৬জন কামৰূপ গ্ৰাম্য, ৩৯২জন ডিব্ৰুগড় আৰু ২৭৫জন নগাঁৱত আক্ৰান্ত হৈছে কোৰোনাত। কামৰূপ মহানগৰত মৃত্যু ঘটা ৰোগীৰ সংখ্যা ৩০ জন।
আনহাতে, সোমবাৰৰ দিনটোত অসমত সুস্থ হৈছে ৪২৩১জন লোক। উল্লেখ্য যে, বৰ্তমানো কোৰোনাত আক্ৰান্ত হৈ চিকিৎসাধীন হৈ আছে ৩৭৫০০জন ৰোগী।
