নিউজ ডেস্ক : ৰাজ্যত পুনৰ চোৰাংচিকাৰীৰ বিৰুদ্ধে অভিযান।বনকৰ্মীৰ গুলীত নিহত চোৰাংচিকাৰী।কাজিৰঙাত পুনৰ বনকৰ্মী-চোৰাংচিকাৰীৰ গুলীয়া-গুলী। কাজিৰঙা ৰাষ্ট্ৰীয় উদ্যানৰ অগৰাতলিত নিশা বনকৰ্মীৰ গুলীত নিহত এটা চোৰাং চিকাৰী। উদ্যানখনৰ পুৱ প্ৰান্তৰ অগৰাতলি বনাঞ্চলৰ ৰঙামতৰিয়া বন শিৱিৰ এলেকাৰ এজাৰকাঠনিত বনকৰ্মী আৰু চোৰাংচিকাৰীৰ মাজত হোৱা গুলীয়াগুলীৰ ফলত ঘটনাস্থলীতে নিহত হয় ধৃত চিকাৰীটো। নিহত চিকাৰীটোৰ পৰা জব্দ কৰা হয়
এটা ৩.৩ ৰাইফল, ৩ জাঁই সজীৱ গুলী, ২জাঁই খালী কাৰ্টীজ।ইতিমধ্যেই দণ্ডাধীশৰ উপস্থিতিত নিহত চিকাৰীটোৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে সংশ্লিষ্ট কৰেতৃপক্ষই। উল্লেখ্যনীয় যে শেহতীয়াকৈ পবিতৰা অভয়াৰণ্য কৰ্তৃপক্ষ আৰু মৰিগাঁও আৰক্ষীয়ে যুটীয়া অভিযান চলাই এটা চোৰাংচিকাৰী আটক কৰিছিল। আটকাধীন চোৰাংচিকাৰীটোৰ উদ্ধাৰ কৰা হৈছিল এটা 3.3 ৰাইফল ১২ জাঁই সজীৱ গুলী, এটা 7.65 পিষ্টল আৰু ৭জাঁই গুলী।
