ঋতুপৰ্ণ শৰ্মা, নগাঁওঃ দুলীয়াজানত যোৱা ২৩ আগষ্টৰ পৰা ২৬ আগষ্টলৈ ৪১ সংখ্যক সদৌ আন্তঃজিলা যুৱ আৰু জ্যেষ্ঠ পুৰুষ আৰু মহিলা বক্সিং চেম্পিয়নশ্বিপ-২০২২খনি অনুষ্ঠিত হৈ যায়। চেম্পিয়নশ্বিপত নগাঁও জিলা বক্সিং দলে অংশগ্ৰহণ কৰি পাঁচটা পদক অৰ্জন কৰিবলৈ সক্ষম হয়।
সেই অনুসৰি ৬৭-৭১ কিল’গ্ৰাম শাখাত সোমৰাজ শইকীয়াই সোণৰ পদক,৮৬-৯২কিল’গ্ৰাম শাখাত মুনিন্দ্ৰ নাথে ৰূপৰ পদক, ৫৪-৫৭ কিল’গ্ৰাম শাখাত ৰূপম বৰ্ডোলিয়ে ব্ৰঞ্জৰ পদক, ৭৫-৮০ কিল’গ্ৰাম শাখাত টোপান বাগলাৰীয়ে ব্ৰঞ্জৰ পদক অৰ্জন কৰিবলৈ সক্ষম হয়।
আনহাতে, মহিলাৰ শাখাত হিয়াশ্ৰী শইকীয়াই ব্ৰঞ্জৰ পদক লাভ কৰিবলৈ সক্ষম হয়৷ উল্লেখ্য যে, উক্ত খেলুৱৈ কেইগৰাকীৰ লগত প্ৰশিক্ষক হিচাপে আছিল অমৰ জ্যোতি ভৰাঁলী৷
