কংগ্ৰেছ নেত্ৰী প্ৰিয়ংকা গান্ধী ভাদ্ৰাই মঙলবাৰে কেন্দ্ৰক “দলীয় ৰাজনীতি”ৰ ওপৰলৈ উঠি দুৰ্যোগগ্ৰস্ত হিমাচল প্ৰদেশলৈ সহায় আগবঢ়াবলৈ আহ্বান জনোৱাৰ লগতে জনসাধাৰণ আৰু ৰাজ্য চৰকাৰে যি মনোভাৱেৰে পৰিস্থিতিৰ সন্মুখীন হৈছে তাৰ প্ৰশংসা কৰে। কুল্লু জিলাৰ বানাক্ৰান্ত অঞ্চল পৰিদৰ্শন কৰি সাহায্য আৰু পুনৰুদ্ধাৰৰ কামৰ পৰ্যালোচনা কৰি গান্ধীয়ে লগতে কয় যে ৰাজ্যবাসীয়ে প্ৰাকৃতিক দুৰ্যোগত ক্ষতিগ্ৰস্তসকলৰ বাবে সাহায্য প্ৰদানৰ বাবে আগবাঢ়ি আহিছে আৰু ভূমিস্খলনৰ ফলত আবদ্ধ হৈ পৰা পথ মুকলিৰ বাবেও ‘শ্ৰম দন’ কৰিছে।
কেন্দ্রইও একে অনুভূতিৰে সহায় কৰিব লাগে আৰু ৰাজ্যত কংগ্ৰেছ বা বিজেপি চৰকাৰ আছে নে নাই সেই কথা বিবেচনা নকৰাকৈ দলীয় ৰাজনীতিৰ ওপৰলৈ উঠিব লাগে বুলিও তেওঁ লগতে কয়৷ কুল্লুৰ পৰা মানালীলৈ যোৱাৰ পথত কংগ্ৰেছ নেত্ৰীগৰাকীয়ে জুলাই মাহত হোৱা প্ৰচণ্ড বৰষুণৰ ফলত উফন্দি উঠা বিয়াছ নদীৰ ফলত ক্ষতিগ্ৰস্ত হোৱা ভুণ্টাৰৰ সংগম দলংকে ধৰি ক্ষতিগ্ৰস্ত অঞ্চল পৰিদৰ্শন কৰাৰ লগতে মানালীৰ আলু খেলপথাৰত বানাক্ৰান্তৰ সৈতে মত বিনিময় কৰে।
যোৱা ১৪ আৰু ১৫ জুলাইত কুল্লু আৰু মাণ্ডী জিলাত হোৱা প্ৰচণ্ড বৰষুণৰ ফলত হোৱা ক্ষন্তেকীয়া বানপানী আৰু ভূমিস্খলনে বিধ্বংসী ৰূপ ধাৰণ কৰিছিল। আজি পুৱা কুল্লুৰ ভুণ্টাৰ বিমানবন্দৰত উপস্থিত হোৱা গান্ধীয়ে ইয়াৰ পূৰ্বে কংগ্ৰেছ কৰ্মী আৰু স্থানীয় খেতিয়কসকলৰ সৈতে আপেল উৎপাদন, পৰিবহণ আৰু হাৰৰ বিষয়ে কথা পাতে।
About the Author
