চৰকাৰে উৎকোচ লোৱাৰ বিৰুদ্ধে কঠোৰ সতৰ্কতাৰ মাজতে এই প্ৰথা এতিয়াও নিয়ন্ত্ৰণ কৰিব পৰা নাই। আন এক গোচৰত বিপিএলৰ অধীনত দুজন ৰোগীৰ পৰা উৎকোচ লোৱাৰ অভিযোগত লখিমপুৰ চিকিৎসা মহাবিদ্যালয়ৰ দুজন কৰ্মচাৰীক গ্ৰেপ্তাৰ কৰা হৈছে।
ধৈৰ্য্য বুঢ়াগোহাঁই আৰু তুলতুল দাস নামৰ দুজন টেকনিচিয়ানক দুজন ৰোগীৰ চিটি স্কেন কৰাৰ বাবে উৎকোচ দাবী কৰাৰ অভিযোগত গ্ৰেপ্তাৰ কৰা হৈছে৷
উল্লেখ কৰিব পাৰি যে, দেওবাৰে দুয়োজন টেকনিচিয়ানে হেমলতা শইকীয়া আৰু উৰ্মিলা দাসৰ পৰা ১৬০০কৈ টকাকৈ চিটি স্কেনৰ নামত দাবী কৰাৰ অভিযোগ উত্থাপন হৈছে।
উল্লেখযোগ্য যে উৰ্মিলা দাসে সংবাদ মাধ্যমৰ আগত বিষয়টো প্ৰকাশ কৰিম বুলি হুংকাৰ দিয়াৰ পিছতে তেওঁলোকে ধন ঘূৰাই দিয়ে।
কিন্তু লখিমপুৰ মেডিকেল কলেজত এটা ব্যক্তিগত কোম্পানী স্পন্দন-এ চিটি স্কেন বিভাগ চলাই আছে আৰু বিষয়টো পোহৰলৈ অহাৰ পিছতে দুয়োজন কৰ্মচাৰীক নিলম্বন কৰা হৈছে।
