গুৱাহাটীৰ হাতীগাঁৱৰ সিজুবাৰীত ড্ৰাগছ মাফিয়ালৈ লক্ষ্য কৰি গুলিচালনা আৰক্ষীৰ। জানিব পৰা মতে দেওবাৰে সিজুবাৰীত গোপন খবৰৰ ভিত্তিত ড্ৰাগছৰ বিৰুদ্ধে অভিযান চলাইছিল আৰক্ষীৰ এটা দলে।
আৰক্ষীয়ে এটা পথত ড্ৰাগছ মাফিয়াৰ দুখন বাহন আগভেটি ধৰি কৰায়ত্ত কৰাৰ চেষ্টা চলায় যদিও বাহনসহ পলায়নৰ চেষ্টা চলায় ড্ৰাগছ মাফিয়াৰ দলটোৱে। পিছত আৰক্ষীয়ে গুলিচালনা কৰাত ড্ৰাগছ মাফিয়াই এখন বাহন এৰি পলায়ন কৰিবলৈ সক্ষম হয়।
আৰক্ষীয়ে জব্দকৃত বাহনখনৰ পৰা প্ৰায় ৫০০ গ্ৰাম সন্দেহযুক্ত ড্ৰাগছ উদ্ধাৰ কৰিবলৈ সক্ষম হৈছে। জব্দকৃত ড্ৰাগছখিনিৰ বজাৰ মূল্য প্ৰায় ৩ কোটি হব বুলি জানিবলৈ দিছে আৰক্ষীয়ে।
