স্বাধীনতা দিৱস উপলক্ষে প্ৰধানমন্ত্ৰী নৰেন্দ্ৰ মোদীয়ে দেওবাৰে দেশবাসীক ছ’চিয়েল মিডিয়া একাউণ্টত ডিপি ত্ৰিৰংঙ্গালৈ সলনি কৰিবলৈ আহ্বান জনায়। প্ৰধানমন্ত্ৰী নৰেন্দ্ৰ মোদীয়ে হৰ ঘৰ ত্ৰিৰংঙ্গা অভিযানৰ অধীনত ভাৰতবাসীক ডিপি সলনি কৰিবলৈ কয়। নৰেন্দ্ৰ মোদীয়ে দেশ আৰু জনসাধাৰণৰ মাজৰ বন্ধন গভীৰ কৰাৰ বাবে দেশবাসীক সমৰ্থন আগবঢ়াবলৈ অনুৰোধ জনায়। ‘হৰ ঘৰ ত্ৰিৰংঙ্গা’ পদক্ষেপৰ আঁৰৰ ধাৰণাটো হ’ল দেশবাসীৰ হৃদয়ত দেশপ্ৰেমৰ অনুভূতি উদগনি দিয়া আৰু ভাৰতীয় জাতীয় পতাকা সম্পৰ্কে সজাগতা বৃদ্ধি কৰা।
প্ৰধানমন্ত্ৰী নৰেন্দ্ৰ মোদীয়ে টুইট কৰি কয় যে হৰ ঘৰ ত্ৰিৰংঙ্গা পদক্ষেপৰ মনোভাৱেৰে আহক আমি আমাৰ ছ’চিয়েল মিডিয়া একাউণ্টৰ ডি পি সলনি কৰি এই অনন্য প্ৰচেষ্টাক সমৰ্থন আগবঢ়াওঁ যিয়ে আমাৰ প্ৰিয় দেশ আৰু আমাৰ মাজৰ বন্ধন গভীৰ কৰি তুলিব। ছ’চিয়েল মিডিয়াতো নিজৰ ডিপি সলনি কৰি ৰাষ্ট্ৰীয় পতাকালৈ পৰিলক্ষিত হৈছে প্ৰধানমন্ত্ৰী নৰেন্দ্ৰ মোদীয়ে।
প্ৰধানমন্ত্ৰী নৰেন্দ্ৰ মোদীয়ে আজাদী কা অমৃত মহোৎসৱৰ অধীনত ‘হৰ ঘৰ ত্ৰিৰংঙ্গা’ আন্দোলন আৰম্ভ কৰিছিল যাতে দেশৰ জনসাধাৰণক ত্ৰিৰংঙ্গা ঘৰলৈ আনি ভাৰতৰ স্বাধীনতাৰ ৭৫ সংখ্যক বছৰ উপলক্ষে উত্তোলন কৰিবলৈ উৎসাহিত কৰে। প্ৰধানমন্ত্ৰীৰ মতে, ত্ৰিৰংগাৰ সৈতে দেশৰ জনসাধাৰণৰ সম্পৰ্ক সদায় ব্যক্তিগততকৈ আনুষ্ঠানিক আৰু প্ৰতিষ্ঠানিক হৈ আহিছে।
ইফালে উত্তৰ প্ৰদেশ চৰকাৰে দেওবাৰে আজাদী কা অমৃত মহোৎসৱ কাৰ্যসূচীৰ অধীনত হৰ ঘৰ ত্ৰিৰংঙ্গা আৰু লগতে মোৰ মাটি, মোৰ দেশৰ পদক্ষেপ ৰূপায়ণৰ বাবে বিদ্যালয়সমূহ খোলা ৰখাৰ নিৰ্দেশ জাৰি কৰে। উত্তৰ প্ৰদেশৰ ইতিহাসত প্ৰথমবাৰৰ বাবে ৰাজ্য চৰকাৰৰ নিৰ্দেশত দেওবাৰে বিদ্যালয় খোলা ৰখা হৈছে। নিৰ্দেশ অনুসৰি অহা ১৩ আগষ্টত সকলো বিদ্যালয়তে কবিতা আবৃত্তিৰ আয়োজন কৰা হৈছে।
