ছ’চিয়েল মিডিয়াত ভাইৰেল হৈ পৰিছে এটা কথিত ভিডিঅ’ য’ত ৰাজস্থানৰ এজন গাড়ী চালকে গাড়ীৰ বনেটত এগৰাকী মহিলাক প্ৰায় ৫০০ মিটাৰ টানি লৈ যোৱা দেখা গৈছে। মহিলাগৰাকীক বচাবলৈ গাড়ীৰ পিছফালে দৌৰি যোৱা বহু লোক দেখা গৈছিল যদিও চালকজনে তেওঁৰ গাড়ীখন ৰখাই নিদিলে। আৰক্ষীয়ে জনোৱা মতে, বুধবাৰে বিয়লি হনুনগড়ৰ মূল বাছ ষ্টেণ্ডৰ সমীপত সংঘটিত হয় এই ঘটনা।
কেইবাটাও চিচিটিভি ফুটেজ স্কেন কৰাৰ পিছত গাড়ীখনৰ নম্বৰ স্পষ্ট হৈ পৰে, যিখন গাড়ী ৰাওলাৰ কোনোবা এজনৰ নামত পঞ্জীয়ন কৰা হৈছে বুলি আৰক্ষীয়ে জানিবলৈ দিয়ে। সমগ্ৰ ঘটনা বাছ ষ্টেণ্ডৰ চাৰিওফালে স্থাপন কৰা চিচিটিভি কেমেৰাত বন্দী হৈছে। আৰক্ষীয়ে মহিলাগৰাকী আৰু গাড়ী চালকজনক বিচাৰিছে।
ইফালে, বুধবাৰে প্ৰাক্তন কেন্দ্ৰীয় মন্ত্ৰী তথা বিজেপি নেতা ৰাজ্যবৰ্ধন সিং ৰাথোৰে নিজৰ এক্স, পূৰ্বৰ টুইটাৰ হেণ্ডেলত এই ভিডিঅ’টো শ্বেয়াৰ কৰে। “ৰাজস্থানৰ হনুমানগড়ত দিনৰ পোহৰত দুৰ্বৃত্তই গাড়ীৰ বনেটত এগৰাকী মহিলাক টানি লৈ গৈছে। গেহলট জী, যেতিয়া প্ৰতিদিনে মহিলাৰ সৈতে মুকলিকৈ এনে ঘটনা সংঘটিত হৈ আছে, তেতিয়া গোটেই ৰাজস্থানৰ অধীনত আপোনাৰ অপশাসনত মহিলাৰ কি হৈছে তাৰ কোনো ধাৰণা আছেনে?” তেওঁ লিখিছে।
