শুকুৰবাৰে নিশা হোজাই জিলাৰ লংকাৰ পিয়লি বজাৰত সংঘটিত ভয়ংকৰ অগ্নিকাণ্ডত জাহ গ’ল কমেও ২৫০ খন ব্যৱসায়িক প্ৰতিষ্ঠান।
বজাৰৰ এখন দোকানত প্ৰথমতে সূত্ৰপাত ঘটা জুইয়ে কেইমুহূৰ্তমানৰ ভিতৰতে বজাৰখনৰ কেইবাখনো দোকানলৈ বিয়পি পৰে। যাৰ ফলত জ্বলি ভষ্মীভূত হয় কেইবা কোটি টকা মূলৰ সা-সম্পত্তি।
পিছত ঘটনাস্থলীত ১২ খনকৈ অগ্নি নিৰ্বাপক বাহিনীৰ গাড়ী উপস্থিত হৈ জুই নিৰ্বাপনৰ চেষ্টা চলায়। অগ্নি নিৰ্বাপক বাহিনীয়ে পুৱালৈকে জুই নিৰ্বাপনৰ চেষ্টা অব্যাহত ৰাখে।
আনহাতে জুইৰ সূত্ৰপাতৰ কাৰণ এতিয়াও জানিব পৰা হোৱা নাই।
