শনিবাৰে পুৱা গুৱাহাটী মহানগৰীৰ নদীৰ পাৰৰ পৰা উদ্ধাৰ হয় এজন ব্যক্তিৰ মৃতদেহ।
মৃত লোকজনৰ পৰিচয় এতিয়াও জানিব পৰা হোৱা নাই।
সূত্ৰৰ পৰা জানিব পৰা মতে, মৃতদেহটো প্ৰথমে স্থানীয় লোকে প্ৰত্যক্ষ কৰে, যিয়ে লগে লগে আৰক্ষীক খবৰ দিয়ে।
মহানগৰীৰ পানবজাৰ অঞ্চলৰ শুক্ৰেশ্বৰ মন্দিৰৰ সমীপৰ ৰজাদুৱা ঘাটত নদীৰ পাৰত ওপঙি থকা অৱস্থাত উদ্ধাৰ হয় মৃতদেহটো।
আৰক্ষীয়ে জনোৱা মতে, পুংখানুপুংখ মৰণোত্তৰ পৰীক্ষাৰ অন্তত মৃত্যুৰ কাৰণ জানিব পৰা যাব।
