ভাৰতীয় যুৱ কংগ্ৰেছৰ সভাপতি শ্ৰীনিবাস বিভিৰ নেতৃত্বত মণিপুৰত হিংসা, মুদ্ৰাস্ফীতি আৰু নিবনুৱা সমস্যাক লৈ কেন্দ্ৰৰ বিৰুদ্ধে প্ৰতিবাদ সাব্যস্ত কৰে।
ভাৰতীয় যুৱ কংগ্ৰেছৰ কেইবাজনো নেতা-কৰ্মীয়ে দিল্লীৰ যন্তৰ মন্তৰত পোষ্টাৰ লৈ ‘সংসদ ঘেৰাও’ প্ৰতিবাদৰ বাবে সমবেত হয় আৰু কেন্দ্ৰৰ বিৰুদ্ধে শ্লোগান দিয়ে।
এই প্ৰতিবাদী কাৰ্যসূচীত পৱন খেৰা, অলকা লাম্বা, সুপ্ৰিয়া শ্ৰীনেটকে ধৰি কংগ্ৰেছ নেতাসকলো উপস্থিত থাকে।
বিজেপি চৰকাৰৰ বিৰুদ্ধে প্ৰতিবাদকাৰীসকলে শ্ল’গান দি কয় যে বৰ্তমানৰ শাসকীয় চৰকাৰৰ অধীনত মণিপুৰত সৃষ্টি হোৱা হিংসাত্মক পৰিস্থিতিৰ পৰা উদ্ধাৰৰ আহ্বান হিচাপে এই বিক্ষোভ গ্ৰহণ কৰা হৈছে।
শ্ৰীনেটে কয় যে ”সত্যক বেছি দিন লুকুৱাই ৰাখিব নোৱাৰি” আৰু লগতে কয় যে ”মণিপুৰৰ কণ্ঠ অতি সোনকালে সংসদত প্ৰতিধ্বনিত হ’ব”।
এই বিক্ষোভৰ সময়তে আৰক্ষীয়ে শ্ৰীনিবাস বিভিকে ধৰি শতাধিক যুৱকৰ্মীক গ্ৰেপ্তাৰ কৰে।
