সংসদৰ নিৰাপত্তাৰ ত্ৰুটিক লৈ বিজেপি আৰু কংগ্ৰেছৰ মাজত অব্যাহত আছে মতানৈক্য। এই বিষয়ত কংগ্ৰেছে বিজেপিক অহৰহ আক্ৰমণ চলাই আছে। কংগ্ৰেছে বিজেপি লোকসভাৰ সদস্য প্ৰতাপ সিমহাক লক্ষ্য কৰি প্ৰশ্নৰ পৰা পলায়ন কৰাৰ অভিযোগ উত্থাপন কৰিছে। কংগ্ৰেছে কয় যে কিয় বিজেপি সাংসদ প্ৰতাপ সিমহাই কোৱা নাই যে তেওঁ কেনেকৈ দুজন অনুপ্ৰৱেশকাৰীক সংসদত প্ৰৱেশৰ ব্যৱস্থা কৰিলে।
এই বিষয়ত দেওবাৰে বিজেপি সাংসদ প্ৰতাপ সিমহাই প্ৰতিক্ৰিয়া ব্যক্ত কৰি কয় যে আগন্তুক লোকসভা নিৰ্বাচনত জনসাধাৰণে সিদ্ধান্ত ল’ব যে তেওঁ দেশপ্ৰেমিক নে দেশদ্ৰোহী। সিমহাই কয় যে তেওঁ এই বিষয়টো ভগৱান আৰু তেওঁৰ অনুৰাগীৰ ওপৰত এৰি দিছে, গতিকে এতিয়া তেওঁলোকেহে সিদ্ধান্ত ল’ব যে তেওঁ দেশদ্ৰোহী নে দেশপ্ৰেমিক। সাংসদগৰাকীয়ে কয় যে নিৰ্বাচনৰ সময়ত তেওঁৰ বিৰুদ্ধে উত্থাপিত দেশদ্ৰোহৰ অভিযোগৰ উত্তৰ জনসাধাৰণে দিব।
প্ৰতাপ সিম্হাৰ এই বক্তব্যৰ প্ৰতিক্ৰিয়া দিছে কংগ্ৰেছেও। কংগ্ৰেছৰ জ্যেষ্ঠ নেতা তথা সাধাৰণ সম্পাদক জয়ৰাম ৰমেশে ছ’চিয়েল মিডিয়া চাইটত এটা পোষ্টৰ জৰিয়তে কয় যে যি প্ৰশ্নৰ পৰা তেওঁলোকে নিৰ্বাচনত অৱতীৰ্ণ হৈছে সেয়া অতি সহজ।
জয়ৰাম ৰমেশে কয় যে ১৩ ডিচেম্বৰত প্ৰতাপ সিমহাই কিয় আৰু কেনেকৈ দুজন যুৱকক লোকসভাত প্ৰৱেশৰ সুবিধা কৰি দিলে। সংসদৰ নিৰাপত্তাৰ ত্ৰুটি গুৰুতৰ বিষয় নহয় নেকি বুলি তেওঁ প্ৰশ্ন কৰে। তেওঁ কয় যে এই বিষয়টোৰ তদন্ত কৰি প্ৰতাপ সিমহাৰ পৰা উত্তৰ বিচাৰিব লাগে।
ইয়াৰ সমান্তৰালকৈ জয়ৰাম ৰমেশে অভিযোগ কৰে যে সিমহা আৰু বিজেপিয়ে এই গুৰুতৰ বিষয়টোৰ পৰা সকলোৰে দৃষ্টি আকৰ্ষণ কৰিছে। প্ৰধানমন্ত্ৰী নৰেন্দ্ৰ মোডী আৰু গৃহমন্ত্ৰী অমিত শ্বাহকো আক্ৰমণ কৰে। তেওঁ কয় যে প্ৰধানমন্ত্ৰী আৰু গৃহমন্ত্ৰীয়ে দেশক সংকেত দিছে যে বিজেপি আৰু ইয়াৰ সৈতে জড়িত যিকোনো ব্যক্তিয়ে প্ৰতিটো প্ৰশ্নৰ বাবে জবাবদিহি নহয়, তেওঁলোক জবাবদিহিতাৰ ওপৰত।
উল্লেখযোগ্য যে ২০০১ চনৰ ১৩ ডিচেম্বৰত সংঘটিত সংসদ আক্ৰমণৰ বৰ্ষপূৰ্তি উপলক্ষে শূন্য ঘন্টাৰ সময়ত দুজন যুৱকে লোকসভা চেম্বাৰত জপিয়াই পৰি সদনত আলোড়নৰ সৃষ্টি হৈছিল। ইয়াৰ মাজতে যুৱকজনে ধোঁৱাৰ কেনৰ পৰা হালধীয়া গেছ নিক্ষেপ কৰাৰ লগতে সদনত শ্লোগানো উত্থাপন কৰে। অৱশ্যে দুয়োজন যুৱকক ধৰি সাংসদসকলে নিৰাপত্তাৰক্ষীৰ হাতত গতাই দিয়ে। একে সময়তে সংসদৰ বাহিৰত এগৰাকী মহিলাকে ধৰি দুজন প্ৰতিবাদকাৰীয়ে প্ৰতিবাদ সাব্যস্ত কৰাৰ বাবে জিম্মাত লোৱা হয়।
এই ঘটনাই সমগ্ৰ দেশতে আলোড়নৰ সৃষ্টি কৰিছিল। সংসদৰ নিৰাপত্তা সন্দৰ্ভত মানুহৰ মনত বহু প্ৰশ্ন উত্থাপন হ’বলৈ ধৰিলে। একে সময়তে এই বিষয়ত বিজেপি আৰু সকলো বিৰোধী দলৰ মাজত আক্ৰমণ-প্ৰত্যাক্ৰমণৰ ৰাজনীতি আৰম্ভ হৈছে৷ আচলতে বিজেপি সাংসদ প্ৰতাপ সিম্হাৰ কার্যালয়ৰ পৰামৰ্শ মতে লোকসভা সদনত জপিয়াই পৰা এজন যুৱকক পাছ দিয়া হৈছিল। যাৰ ওপৰত প্ৰতাপ সিমহাৰ স্বাক্ষৰো আছিল। ইয়াৰ পিছতে বিৰোধীয়ে এই বিষয়ত বিজেপিৰ পৰা উত্তৰ বিচাৰিছে।
