ৰাজ্যজুৰি ব্যস্ত ভোগালীৰ উচাহ উদ্দীপনাত। গোৰেশ্বৰত এই ভোগালীৰ ভোগৰ পৰা বঞ্চিত হ’ল ৯ জনকৈ লোক।ভোগালীৰ ভোগৰ পৰা বঞ্চিত হয় ৰঙাঘৰৰ আলহী হ’ল গোৰেশ্বৰৰ ৯ জনকৈ লোক।গোৰেশ্বৰত বিহুৰ দিনাখনেই ৯ জুৱাৰীক আটক ।বাক্সা জিলাৰ গোৰেশ্বৰৰ মহৰিপাৰা এলেকাৰ ২ নং ৰৌমাৰীৰ পৰা গোৰেশ্বৰ আৰক্ষীয়ে এক গোপন সূত্ৰৰ পম খেদি অভিযান চলাই ১৫ জানুৱাৰীৰ আবেলি ৫ বজাত ৯ জুৱাৰীক আটক কৰে।আটকাধীন জুৱাৰী কেইজন ক্ৰমে মহৰিপাৰা এলেকাৰ চান মহম্মদ, গোপাল নমো দাস,আলী হুছেইন, উমেশ ডেকা, নাৰায়ন ৰাভা, মছলিমুদ্দিন, অনন্ত দেৱনাথ, মিন্টু শীল, ময়নুল হক।অভিযানত গোৰেশ্বৰ আৰক্ষীয়ে জুৱা খেলৰ সামগ্ৰীৰ লগতে ৮ টা মোবাইল ফোন, এখন বাইক আৰু নগদ ২৬,৯২০ টকা উদ্ধাৰ কৰিবলৈ সক্ষম হয়।
উল্লেখযোগ্য যে বিগত কেইবাদিন ধৰি অঞ্চলটোত জুৱাৰ ৰমৰমীয়া বেহা চলি আছিল।আজি গোৰেশ্বৰ আৰক্ষী থানাৰ ভাৰপ্ৰাপ্ত আৰক্ষী বিষয়া মৃদুল হাজৰিকাৰ নেতৃত্বত চলা এক অভিযানত জুৱা খেল বন্ধ কৰাৰ লগতে ৯ জনকৈ জুৱাৰীক আটক কৰিবলৈ সক্ষম হয়।আটকাধীন জুৱাৰী কেইজনৰ বিৰুদ্ধে গোৰেশ্বৰ আৰক্ষীয়ে নিজাববীয়াকৈ এক গোচৰ ৰুজু কৰি তদন্ত অব্যাহত ৰাখিছে।
