বৰপেটাঃ শুকুৰবাৰে বৰপেটা কাৰাগাৰত থকা এজন কয়দীৰ আকস্মিক মৃত্যুক লৈ চাঞ্চল্যৰ সৃষ্টি হৈছে।
ওমৰ আলী বুলি চিনাক্ত কৰা কয়দীজন বিগত ৭ বছৰ ধৰি কাৰাবন্দী হৈ আছিল। আলী বৰপেটাৰ আলাপতি চৰৰ ৰামাপাৰাৰ বাসিন্দা আছিল।
খবৰ অনুসৰি বৰ্তমান কাৰাবন্দীজনৰ মৃতদেহ বৰপেটা চিকিৎসা মহাবিদ্যালয় হাস্পতালৰ মৰ্গত ৰখা হৈছে, য’ত মৰণোত্তৰ পৰীক্ষা কৰা হ’ব বুলি জানিব পৰা গৈছে।
অৱশ্যে বৰ্তমানলৈকে কাৰাবন্দীজনৰ মৃত্যুৰ কাৰণ জানিব পৰা নাই চিকিৎসকে।
বৰপেটা আৰক্ষীয়ে কাৰাবন্দীজনৰ মৃত্যু অস্বাভাৱিক বুলি উল্লেখ কৰি গোচৰ ৰুজু কৰিছে, তাৰ পিছতে এই সন্দৰ্ভত তদন্ত চলাইছে।
