বৰপেটা জিলাৰ তাৰাবাৰী আৰক্ষী থানাৰ অন্তৰ্গত বাটগাঁৱৰ পৰা আৰক্ষীয়ে অভিযান চলাই গ্ৰেপ্তাৰ কৰিবলৈ সক্ষম হয় এজন কুখ্যাত ড্ৰাগছমাফিয়াক। শুকুৰবাৰে সন্ধিয়া অভিযান চলাই তাৰাবাৰী আৰক্ষীয়ে প্ৰসেনজিৎ দাস নামৰ ড্ৰাগছ ব্যৱসায়ৰে জড়িত যুৱকজনক গ্ৰেপ্তাৰ কৰে।
উল্লেখ্য যে, এক গোপন সূত্ৰৰ খবৰৰ ভিত্তিত যোৱা মঙ্গলবাৰে তাৰাবাৰী আৰু বৰপেটা আৰক্ষীয়ে যুটীয়া অভিযান চলাই ধৃত ড্ৰাগছ ব্যৱসায়ীজনৰ ঘৰৰ পৰা বৃহৎ পৰিমাণৰ কফচিৰাপ আৰু নিচাজাতীয় টেবলেট জব্দ কৰিবলৈ সক্ষম হৈছিল।
আৰক্ষীয়ে অভিযানত ২,৮৮০ টা কফ-চিৰাপৰ বটল আৰু ২৬,৭৭২টা নিচাজাতীয় টেবলেট জব্দ কৰে যদিও সেই সময়ত পলায়ন কৰিবলৈ সক্ষম হৈছিল অভিযুক্ত প্ৰসেনজিৎ দাস। কিন্তু আৰক্ষীয়ে অহৰহ অভিযান চলাই অৱশেষত শুকুৰবাৰে সন্ধিয়া গ্ৰেপ্তাৰ কৰে ড্ৰাগছ মাফিয়াজনক।
