ষ্টাফৰিপৰ্টাৰ, মহানগৰীৰ বোন্দাত মঙলবাৰে দুগ্ধ ব্যৱসায়ীসকলে প্ৰতিবাদ সাব্যস্ত কৰে ৷ দুচকীয়া বাহন লৈ মহানগৰীৰ ভিন্ন প্ৰান্তত গাখীৰ বিক্ৰী কৰিবলৈ অহা ব্যৱসায়ীসকলে ৰাজপথত গাখীৰ পেলাই দি সাব্যস্ত কৰে এই প্ৰতিবাদ। লকডাউনৰ প্ৰথম দিনটোতে পূৰ্বতকৈ অধিক কঠোৰ হোৱা আৰক্ষীয়ে নাৰেংগীত দুগ্ধ ব্যৱসায়ীসকলক মহানগৰীৰ ভিন্ন প্ৰান্তত গাখীৰ বিক্ৰী কৰিবলৈ যোৱাত বাধা প্ৰদান কৰাত ক্ষুন্ন হৈ আৰক্ষীৰ সৈতে বাক বিতণ্ডাত লিপ্ত হয় দুগ্ধ ব্যৱসায়ীসকল।যাৰ বাবে ব্যৱসায়ীসকলে বোন্দাৰ ৰাজপথত অৱস্থান গ্ৰহণ কৰি গেলানে গেলানে গাখীৰ পেলাই দি সাব্যস্ত কৰে।
