অসমীয়া চলচ্ছিত্ৰৰ উজ্বল নক্ষত্ৰ দাৰা আহমেদ আৰু নাই। সোমবাৰে পুৱা গুৱাহাটীৰ এপল’ হাস্পতালত চিকিৎসাধীন অৱস্থাত শেষ নিশ্বাস ত্যাগ কৰে বিশিষ্ট চলচ্ছিত্ৰ পৰিচালকগৰাকীয়ে।
তেওঁৰ ভগ্নী তথা বিশিষ্ট সাহিত্যিক, গীতিকাৰ এলি আহমেদে জানিবলৈ দিয়া মতে, দেওবাৰে দুপৰীয়া আহাৰ গ্ৰহণ কৰাৰ পিছতে বুকুৰ তীব্ৰ বিষত ভুগিছিল দাৰা আহমেদ। তাৰ পিছতে তেওঁক এপল’ হাস্পতালত ভৰ্তি কৰা হয় যদিও আজি পুৱাৰ ভাগত জীৱন নাটৰ সামৰণি মাৰে তেওঁ।
ড০ বেজবৰুৱা নামৰ ছবিখনত সহকাৰী পৰিচালক হিচাপে আত্মপ্ৰকাশ কৰি পৰৱৰ্তী সময়ত কেইবাখনো জনপ্ৰিয় ছবিৰ পৰিচালনা কৰা দাৰা আহমেদৰ মৃত্যুৰ সময়ত বয়স আছিল ৭২ বছৰ।
