অসম হাইস্কুল শিক্ষান্ত পৰীক্ষা আৰু হাই মাদ্ৰাছা পৰীক্ষাৰ সূচী প্ৰকাশ কৰিলে অসম মাধ্যমিক শিক্ষা সংসদে ৷ ১১ মে’ ৰ পৰা আৰম্ভ হ’ব হাইস্কুল শিক্ষান্ত পৰীক্ষা ৷ ইংৰাজী পৰীক্ষাৰে আৰম্ভণি হ’ব মেট্ৰিক পৰীক্ষা ৷ লগতে ব্যৱহাৰিক পৰীক্ষাৰো সময়সূচী প্ৰকাশ কৰা হ’ল ৷
আগন্তুক ৭ জুলাইৰ ভিতৰত ঘোষণা কৰা হ’ব হাইস্কুল শিক্ষান্ত পৰীক্ষাৰ ফলাফল ৷ উল্লেখ্য যে প্ৰতি বছৰে হাইস্কুল শিক্ষান্ত পৰীক্ষা ফেব্ৰুৱাৰী পৰা আৰম্ভ হৈ মাৰ্চৰ শেষলৈ হয় ৷
ইফালে ১২ মে’ৰ পৰা অনুষ্ঠিত হ’ব উচ্চতৰ মাধ্যমিক পৰীক্ষা ৷ বৰ্তমানলৈ প্ৰকাশ পোৱা নাই উচ্চতৰ মাধ্যমিক পৰীক্ষাৰ সূচী ৷
