পুনৰ বহিঃৰাজ্যত মৃত্যুক সাবতিলে নগাঁৱৰ যুৱকে।নগাঁৱৰ বঢ়মপুৰ-বেজৰগাঁৱৰ এজন উদ্যমী যুৱকে মৃত্যুক সাৱতিলে সুদুৰ হায়দৰাবাদত।কৰ্মসংস্থাপনৰ তাগিদাত এবছৰ পূৰ্বে পত্নী আৰু পুত্ৰৰ সৈতে যুৱকজন গৈছিল হায়দৰাবাদলৈ।
জলাতঙ্ক ৰোগত আক্ৰান্ত হৈ চিকিৎসাধীন অৱস্থাতে বুধবাৰে মৃত্যু হয় নৱজ্যোতি দাস নামৰ যুৱকজন।হায়দৰাবাদত নিজ কৰ্মস্থলীৰ পৰা ভাড়াতীয়া ঘৰলৈ উভটি অহাৰ অৱস্থাত পদপথৰ কুকুৰে কামুৰি আহত কৰিছিল নৱজ্যোতি দাসক। অৰ্থৰ অভাৱত এতিয়া বঢ়মপুৰ-বেজৰগাঁওস্থিত নিজৰ ঘৰখনলৈ যুৱকজনৰ মৃতদেহটো আনিবলৈ অপাৰগ দুৰ্ভগীয়া পৰিয়ালটো।পিতৃ-মাতৃৰ অন্তিম ইচ্ছা পুৰণৰ খাতিৰত যিকোনো প্ৰকাৰে নৱজ্যোতি দাসৰ মৃতদেহ উভতাই আনি দিবলৈ চৰকাৰক আহ্বান পৰিয়ালটোৰ।
