দেওবাৰে ADREৰ অধীনত অনুষ্ঠিত হ’বলগীয়া চতুৰ্থ বৰ্গৰ নিযুক্তি পৰীক্ষাৰ প্ৰতি লক্ষ্য ৰাখি সমগ্ৰ ৰাজ্যতে মোবাই ইণ্টাৰনেট সেৱা কৰ্তন কৰা হ’ব। পুৱা ৮.৩০ বজাৰ পৰা ৪ বজালৈ ৰাজ্যত ইণ্টাৰনেট সেৱা বন্ধ থাকিব। ৰাজ্য চৰকাৰে এক জাননী যোগে এই সিদ্ধান্তৰ বিষয়ে ঘোষণা কৰিছে।ৰাজ্যৰ মুঠ ২৮ খন জিলাত দুটা শ্বিফ্টত চতুৰ্থ বৰ্গৰ মুঠ ৫,০২৩টা পদৰ বাবে নিযুক্তি পৰীক্ষা অনুষ্ঠিত হ’ব। ইয়াৰে প্ৰথম শ্বিফ্টত মুঠ ১,৪৮৪টা কেন্দ্ৰত পুৱা ০৯:০০ বজাৰ পৰা পুৱা ১১:৩০ বজালৈ মেট্ৰিক পৰ্যায়ৰ পদৰ বাবে আৰু দ্বিতীয় শিফ্টত দুপৰীয়া ০১:৩০ বজাৰ পৰা বিয়লি ০৪:০০ বজালৈ ৮০৮টা কেন্দ্ৰত সপ্তম শ্ৰেণী পৰ্যায়ৰ পদৰ বাবে পৰীক্ষা অনুষ্ঠিত হ’ব।
