ষ্টাফৰিপৰ্টাৰ, ৩ জুলাই :
গুৱাহাটী মহানগৰীৰ পানবজাৰত নিৰ্মাণীয় মান অৱস্থাত থকা ৰোপ, ৱেৰ’ ভুমি সম্পৰ্কে বৃহস্পতিবাৰে সন্ধিয়া ৰাজ্য চৰকাৰৰ বনমন্ত্ৰী পৰিমল শুক্লবৈদ্য আৰু গুৱাহাটী উন্নয়ন মন্ত্ৰী সিদ্ধাৰ্থ ভট্টাচাৰ্যৰ মাজত এক গুৰুত্বপূৰ্ণ বৈঠক অনুষ্ঠিত হয় ৷ জনতা ভৱনত অনুষ্ঠিত হোৱা বৈঠকত ৰাজ্য চৰকাৰৰ কেইবাগৰকী উচ্চপদস্থ বিষয়া উপস্থিত থাকে ৷ ৰোপ, ৱেৰ নিৰ্মাণৰ বাবে বন বিভাগৰ তৰফৰ পৰা সম্পুৰ্ণ সহযোগিতা আগবঢ়াব বুলি মন্ৰী পৰিমল শুক্লবৈদ্য অবগত কৰে ৷ এই ক্ষেত্ৰত গুৱাহাটী উন্নয়ন মন্ৰী সিদ্ধাৰ্থ ভট্টাচাৰ্যই সংবাদ মাধ্যমক কয় “পানবজাৰৰ ৰোপ,ৱেৰ অতিকৈ আবশ্যকীয় হৈ পৰিছে ৷ নিৰ্মাণৰ বাবে বনবিভাগৰ কিছু সহযোগিতা প্ৰয়োজন ৷ সেই বাবেই বনমন্ত্ৰী গৰাকীৰ লগত গুৱাহাটী উন্নয়ন বিভাগৰ এক আলোচনা অনুষ্ঠিত হয় ৷ আলোচানাত অন্তত দুয়োটা
বিভাগে এক সিদ্ধান্তত উপনীত হৈছে ৷”অনতিপলমে ৰোপ,ৱেৰ’ কাৰ্য্যক্ষম হৈ উঠিব বুলি সিদ্ধাৰ্থ ভট্টাচাৰ্যই আশা প্ৰকাশ কৰে ৷
