শুকুৰবাৰে গোলাঘাট জিলাত ঘৰুৱা কামকৰা ছোৱালী হিচাপে কৰ্মৰত নাবালিকা এগৰাকীক শাৰীৰিক নিৰ্যাতন চলোৱাৰ অভিযোগত আটক হৈছে এহাল বিবাহিত দম্পতীক।
ডিব্ৰুগড় জিলাৰ মৰানৰ পৰা আটক কৰা হৈছে দম্পতীহালক। ধৃত দম্পতীহালক নিৰুপম দাস আৰু পিংকি শইকীয়া বুলি জানিব পৰা গৈছে।
আৰক্ষীৰ খবৰ অনুসৰি জোনালী মুণ্ডা নামৰ কিশোৰী গৰাকীয়ে যোৱা ২৮ জুলাই (বৃহস্পতিবাৰে) মৰানহাট আৰক্ষী থানাত এজাহাৰ দাখিল কৰিছিল। যোৱা এবছৰৰ পৰা তেওঁ দম্পতীহালৰ ঘৰত ঘৰুৱা চাকৰ হিচাপে কাম কৰি আছিল। খবৰ অনুসৰি, যোৱা চাৰি মাহৰ পৰা বহু অত্যাচাৰ চলাই থকা বুলি দাবী কৰিছে ভুক্তভোগী কিশোৰীগৰাকীয়ে।
ইফালে, গোপন তথ্যৰ ভিত্তিত শুকুৰবাৰে নিশা গোলাঘাট আৰক্ষীয়ে চন্দন নগৰত তালাচী অভিযান আৰম্ভ কৰি তেওঁলোকৰ বিৰুদ্ধে এজাহাৰ দাখিল কৰাৰ পিছতে তীব্ৰতৰ হৈ পৰা দম্পতীহালক আটক কৰে।
অৱশ্যে পিংকি শইকীয়াই সকলো অভিযোগ অস্বীকাৰ কৰি ঘটনাটোক ষড়যন্ত্ৰ বুলি অভিহিত কৰিছে।
নিৰুপম দাস সোণাৰি চাহ ব’ৰ্ডৰ এজন বিষয়া আৰু পিংকি শইকীয়া ডেম’ চেৰিকালচাৰ বিভাগৰ কৰ্মচাৰী।
তদন্তৰ বাবে মৰানহাট আৰক্ষীক গতাই দিয়া হৈছে এই দম্পতীহালক।
