আৰক্ষীয়ে ড্ৰাগছৰ বিৰুদ্ধে চলোৱা আন এক অভিযানত বৃহস্পতিবাৰে নগাঁও জিলাৰ ফাঁচীৰোড আৰু ধিং গেট অঞ্চলৰ পৰা এক লাখতকৈও অধিক মূল্যৰ ড্ৰাগছ জব্দ কৰে।
খবৰ অনুসৰি ড্ৰাগছ থকা পাত্ৰবোৰ চাবোনৰ বাকচত ৰখা হৈছিল। ইফালে নগাঁও আৰক্ষীয়ে অভিযানটোত নগদ ধনৰ সৈতে ড্ৰাগছ জব্দ কৰিছে।
আৰক্ষীয়ে ঘটনা সন্দৰ্ভত এগৰাকী মহিলাসহ পাঁচজন সৰবৰাহকাৰীক আটক কৰিবলৈ সক্ষম হৈছে।
আটক কৰা সৰবৰাহকাৰীসকলক ইয়াজুল মালিক, আতাউৰ উল্লাছ, চাৰিফুল আলম, মকচিদুল হক আৰু ফৰিদা খাতুন বুলি চিনাক্ত কৰা হৈছে।
