ধিং এক্সপ্ৰেছখ্যাত দৌৰবিদ হিমা দাস আৰু অম্লান বৰগোহাঞিলৈ আৰ্থিক সাহায্য আগবঢ়োৱাৰ কথা ঘোষণা কৰিছে অসম এথলেটিকছ এছ’চিয়েশ্যনে।
হিমা দাসক ১ লাখ টকা আৰু অম্লান বৰগোহাঁইক ৫০ লাখ টকা প্ৰদান কৰিব সন্থাটোৱে।
এই কথা শনিবাৰে ঘোষণা কৰে অসমৰ ক্ৰীড়া প্ৰাধিকৰণৰ উপ-সভাপতি তথা অসম অলিম্পিক সন্থাৰ সাধাৰণ সম্পাদক লক্ষ্য কোঁৱৰে।
অসম অলিম্পিক সন্থা আৰু গুৱাহাটী ক্ৰীড়া সন্থাৰ উদ্যোগত অহা ২৩ জুনত অনুষ্ঠিত হ’ব মাৰাথন দৌৰ।
উল্লেখযোগ্য যে কমনৱেলথ গেমছত ৪×১০০ মিটাৰ ৰিলেত ভাৰতক প্ৰতিনিধিত্ব কৰিব হিমা দাসে।
যোৱা ১৪ জুনত চেন্নাইত সমাপ্ত হোৱা ৬১ সংখ্যক ৰাষ্ট্ৰীয় জ্যেষ্ঠ আন্তঃৰাজ্যিক এথলেটিকছ চেম্পিয়নশ্বিপত মহিলাৰ ২০০ মিটাৰ দৌৰত হিমাই ৰূপৰ পদক লাভ কৰে।
ইফালে পুৰুষৰ ২০০ মিটাৰ দৌৰত অম্লান বৰগোহাঞিয়ে সোণৰ পদক লাভ কৰে।
