আৰক্ষীৰ অভিযানত ডিব্ৰুগড় জিলাত মানৱ সৰবৰাহকাৰীৰ কবলৰ পৰা উদ্ধাৰ তিনিগৰাকী কিশোৰী।
খবৰ অনুসৰি ডিব্ৰুগড়ৰ লাহোৱাল ৰেলৱে ষ্টেচনত নিৰ্দিষ্ট তথ্যৰ ভিত্তিত আৰক্ষীয়ে অভিযান চলায়।
অভিযানৰ পিছত লাহোৱাল আৰক্ষীয়ে তিনিগৰাকী কিশোৰীক উদ্ধাৰ কৰাৰ লগতে দুজন যুৱকক গ্ৰেপ্তাৰ কৰে। তালাচী অভিযানৰ সময়ত এখন বিলাসী গাড়ীও জব্দ কৰা হৈছে।
কিশোৰী কেইগৰাকীক বহিঃৰাজ্যত কাম দিয়াৰ প্ৰলোভনেৰে ৰে’লযোগে বাংগালুৰুলৈ নিয়াৰ চেষ্টা কৰিছিল সৰবৰাহকাৰীয়ে।
উদ্ধাৰ হোৱা কিশোৰী কেইগৰাকীৰ ঘৰ ডিব্ৰুগড়ৰ জয়পুৰত।
আনহাতে অভিযুক্ত যুৱককেইজনক হেমন্ত গগৈ আৰু গুনিন গগৈ বুলি চিনাক্ত কৰা হৈছে।
