টিহুৰ হালধিবাৰীত বৃহস্পতিবাৰে সংঘটিত হয় এক শোকাবহ পথ দুৰ্ঘটনা। এখন অচিনাক্ত বাহনৰ খুন্দাত বিষ্ণু বৰ্মন নামৰ এজন লোকৰ থিতাতে মৃত্যু ঘটাৰ লগতে আহত হয় ৰাজু বড়ো নামৰ আন এজন। আহত লোকজনক আৰক্ষী আৰু স্থানীয় ৰাইজে হাস্পতাললৈ প্ৰেৰণ কৰে।
জানিব পৰা মতে, টিহু-ডুমনি ফিডাৰ পথৰে AS-15F-5212 নম্বৰৰ বাইক এখনেৰে আহি থকা অবস্থাত কোনো অচিনাক্ত বাহনে প্ৰচণ্ড জোৰে খুন্দা মাৰে৷ ফলত বিষ্ণু বৰ্মনৰ ঘটনাস্থলীতেই মৃত্যু হয়। আনহাতে ঘটনাস্থলীত আৰক্ষী উপস্থিত হোৱাৰ পূৰ্বেই দুৰ্ঘটনা সংঘটিত কৰা অচিনাক্ত বাহনখনে পলায়ন কৰে।
