ঘূৰ্ণীবতাহ আমফানক লৈ অসমতো সতৰ্কবাণী জাৰি

ষ্টাফৰিপোৰ্টাৰ, ২০ মে’ : ঘূৰ্ণীবতাহ আমফানক লৈ অসমতো সতৰ্কবাণী জাৰি কৰা হৈছে।আমফানৰ আগমন হৈ থকাৰ সময়ত অসমতো স্বাভাৱিক বতৰৰ হঠাতে পৰিৱৰ্তন হোৱা পৰিলক্ষিত হৈছে। কাছাৰ জিলাত ইতিমধ্যে দুৰ্যোগ প্ৰশমন বিভাগে সতৰ্কবাণী জাৰি কৰিছে। জিলাখনৰ সকলো এছ ডি অ’, চক্ৰ বিষয়া তথা বিভাগৰ মুৰব্বীসকললৈ নিৰ্দেশনা জাৰি কৰি এই সময়ছোৱাত অধিক সতৰ্ক হৈ থাকিবলৈ আহ্বান জনোৱা হৈছে।আনহাতে কাছাৰ জিলাৰ লগতে বাক্সা, চিৰাং, বঙাইগাঁও, গোৱালপাৰা, ধুবুৰী, কোকৰাঝাৰ, নলবাৰী আৰু কামৰূপ জিলাত ধাৰাসাৰ বৰষুণ আৰু বতাহ অহাৰ সম্ভাৱনা আছে বুলি বতৰ বিজ্ঞান কেন্দ্ৰই জানিবলৈ দিছে।