ষ্টাফৰিপোৰ্টাৰ, ২০ এপ্ৰিল : ধুবুৰী জিলাৰ গৌৰীপুৰৰ বিশিষ্ট সমজাকর্মী, হিন্দী দৈনিক বাতৰি কাকত পূৰ্বোদয়ৰ সাংবাদিক সন্তোষ আগৰৱালাৰ পিতৃ কিশোৰী লাল আগৰৱালাৰ গুৱাহাটীৰ ৰহমান হাস্পতালত দেওবাৰে পুৱা ৫.৩০ বজাত মৃত্যু হয়। মৃত্যুৰ সময়ত তেওঁৰ বয়স আছিল ৮৬ বছৰ। মৃত্যুৰ সময়ত তেওঁ পত্নী, পাঁচ গৰাকী পুত্ৰ, এগৰাকী জীয়ৰী, নাতি- নাতিনীক এৰি যায়। গুৱাহাটীৰ ভূতনাথ শ্মশানত তেওঁৰ শেষকৃত্য সম্পন্ন কৰা হয়। বিভিন্ন অনুষ্ঠান প্ৰতিষ্ঠানৰ সৈতে জড়িত হৈ থকা কিশোৰী লাল আগৰৱালাৰ মৃত্যুত গৌৰীপুৰ শ্মশান মন্দিৰ কমিটিৰ সচিব মৃন্ময় অধিকাৰী, শংকৰদেৱ শিশু নিকেতনৰ প্ৰধানাচাৰ্য প্ৰমেথশ ৰায়, শংকৰদেৱ শিশু নিকেতনৰ পৰিচালনা কমিতি, গৌৰীপুৰ মহামায়া মন্দিৰৰ সচিব প্ৰবীৰ কুমাৰ বৰুৱা আদিয়ে গভীৰ শোক প্ৰকাশ কৰে আৰু শোক সন্তপ্ত পৰিয়াল বৰ্গলৈ গভীৰ সমবেদনা জ্ঞাপন কৰে।
