গোৱালপাৰা জিলাৰ লক্ষীপুৰৰ গোৱালগুলিয়া গাঁৱত এটি বনৰীয়া হাতীৰ মৃতদেহ উদ্ধাৰ হোৱাৰ ঘটনাই চাঞ্চল্যৰ সৃষ্টি কৰিছে।
বন্য হস্তীটো বিদ্যুৎস্পৃষ্ট হৈ মৃত্যু মুখত পৰাৰ সন্দেহ কৰা হৈছে। উল্লেখ্য যে, বিগত কিছু দিনত ৰাজ্যৰ বিভিন্ন প্ৰান্তত বিদ্যুৎস্পৃষ্ট হৈ পশুধনৰ মৃত্যুৰ ঘটনা বৃদ্ধি পোৱা পৰিলক্ষিত হৈছে।
ইফালে ঘটনাস্থলীত বন বিভাগৰ লোক লৈ মৃত হাতীটো উদ্ধাৰ কৰি মৰণোত্তৰ পৰীক্ষাৰ ব্যৱস্থা কৰে।
