দেওবাৰে নিশা গোলাঘাট জিলাত শোকাবহ দুৰ্ঘটনাত পতিত হয় বৰযাত্ৰীৰ বাহন। দুর্ঘটনাৰ ফলত ২ জন লোক নিহত হোৱাৰ লগতে ৫ জন লোক গুৰুতৰভাবে আহত হয়।
জানিব পৰা মতে, শিৱসাগৰৰ পৰা গোলাঘাট অভিমুখে যোৱা দৰাৰ পাৰ্টি কঢ়িয়াই নিয়া এখন বাহনে ধেকিয়ালৰ ওচৰত গছত খুন্দা মৰাৰ ফলত এই দুৰ্ঘটনাটো সংঘটিত হয়।
উল্লেখ্য যে, শিৱসাগৰ জিলাৰ জাহ্নজীৰ ফুড ভিলাত অনুষ্ঠিত বিবাহ অনুষ্ঠানৰ পৰা উভতাৰ পথত এই শোকাবহ দুৰ্ঘটনা সংঘটিত হয়। দুৰ্ঘটনাত নিহত দুজনক বিপুল শৰ্মা আৰু মহেন্দ্ৰ কলিতা বুলি চিনাক্ত কৰা হৈছে।
