দেওবাৰে পুৱতি নিশা গোলাঘাট জিলাৰ ঢলাগাঁও পথাৰত বিদ্যুৎস্পৃষ্ট হৈ এগৰাকী মাইকী হাতীৰ মৃত্যু ঘটে। পুৱা প্ৰায় ৪ বজাত প্ৰায় ১৮ বছৰ বয়সৰ হাতীটো বিদ্যুৎস্পৃষ্ট হৈছিল। ১১ কেভি লাইনৰ এটা বৈদ্যুতিক পোষ্ট হাতীটোৰ মৃতদেহটোৰ ওচৰত হেলনীয়া অৱস্থাত পৰিলক্ষিত হয়। বিদ্যুৎ পৰিবাহী খুটাত গা ঘঁহাৰ বাবেই হাতীটো বিদ্যুৎপৃষ্ঠ হৈ মৃত্যু ঘটাৰ সন্দেহ কৰা হৈছে।
ইফালে পুৱা স্থানীয় লোকে মৃত মাইকী হাতীটো প্ৰত্যক্ষ কৰি বন বিভাগক খবৰ দিয়াত ঘটনাস্থলীত বন বিভাগৰ দল উপস্থিত হয়। হাতীটোৰ মৃতদেহটো বৰ্তমান মৰণোত্তৰ পৰীক্ষাৰ ব্যৱস্থা কৰা হৈছে।
