গেলেকীত উত্তপ্ত পৰিস্থিতি।
অ’এনজিচিৰ তৈলক্ষেত্ৰৰ চাৰিসীমাৰ ভূমিত বেদখল কাৰীৰ বিৰুদ্ধে উচ্ছেদ অভিযান।
অবৈধ ভূমি বেদখলকাৰীৰ বিৰুদ্ধে সৰৱ হৈ পৰিছে শিৱসাগৰ জিলা প্ৰশাসনৰ লগতে মহাৰত্ন কোম্পানী ONGC কতৃপক্ষ ।
ইয়াকে লৈ উত্তপ্ত হৈ পৰিল নাজিৰা গেলেকীত ।
মহাৰত্ন কোম্পানী ONGC ৰ গেলেকী চাৰিআলিস্থিত তৈলক্ষেত্ৰটোৰ চাৰিসীমাৰ ভূমি বিগত প্ৰায় ৩০ বছৰ ধৰি অবৈধভাৱে বেদখল কৰি আহিছিল বিহাৰৰ পৰা অহা একাংশ লোকে ।
চলিত ২০২০ বৰ্ষৰ পৰা ONGC কতৃপক্ষই বেদখলকাৰীসকলক আতৰি যাবলৈ নিৰ্দেশনা জাৰি কৰি আহিছিল ।
কিন্তু বেদখলকাৰীসকলে তেল প্ৰাকৃতিক গেছ নিগম চমুকৈ ONGCৰ কৰ্তৃপক্ষক আওকাণ কৰি অহাত আজি ONGCয়ে উচ্ছেদ অভিযান চলাই ১৩/১৪টাকৈ পৰিয়ালৰ বাসগৃহত।
গেলেকীৰ তিলক আগৰৱালা,পৱন আগৰৱালা,দুৰ্গা প্ৰসাদ আগৰৱালাকে ধৰি কেইবাগৰাকীয়ো ব্যক্তিয়ে নিজৰ পট্টা মাটি বুলি ONGCৰ মাটি বিক্ৰী কৰিছিল বুলি অভিযোগ কৰিছে উচ্ছেদিত পৰিয়ালকেইটাই ।
