দৰং জিলাৰ খাৰুপেটীয়াৰ ১৫নং ৰাষ্ট্ৰীয় ঘাইপথত আৰক্ষীয়ে অভিযান চলাই বৃহৎ পৰিমাণৰ সোন আৰু নগদ ধনসহ ৬ জনক গ্ৰেপ্তাৰ কৰিবলৈ সক্ষম হয়। গোপন খবৰৰ ভিত্তিত ১৫ নং ৰাষ্ট্ৰীয় ঘাইপথত খাপপিটি ৰৈ থকা আৰক্ষীৰ এটা দলে গুৱাহাটী অভিমুখী AS 07R 8882 নম্বৰৰ এখন ছুইফ্ট বাহনৰ পৰা নৌকা আকৃতিৰ প্ৰায় ৬৪০ গ্ৰাম সোণৰ লগতে ২২,৮০০ টকা নগদ ধন আৰু ১০ টা মোবাইল জব্দ কৰে। আৰক্ষীয়ে এই সামগ্ৰীখিনি লৈ অনা ৬ জন লোককো গ্ৰেপ্তাৰ কৰে।
আৰক্ষীয়ে গ্ৰেপ্তাৰ কৰা লোক কেইজন ক্ৰমে
উত্তৰ লখিমপুৰৰ বিহপুৰীয়া আৰক্ষী থানাৰ অন্তৰ্গত ১নং ইছলামপুৰ গাঁৱৰ ওৱাহেদ আলী (২৫), গোহাঁইদালানী গাঁৱৰ আব্দুল কাদিৰ (৩০) আৰু দুলাল হুছেইন (২৫), ১নং মিৰিচি গাঁৱৰ আক্ৰামুল আলী ( ২৩), ১নং আহমেদপুৰৰ মফিদুল ইছলাম (৩০) আৰু ২নং মিৰিচি গাঁৱৰ দিলোৱাৰ হুছেইন (৩৩) বুলি জানিব পৰা গৈছে।
